सोमबार सुर्खेतमा पक्राउ परेका नेकपा एमालेका उपाध्यक्ष विष्णु पौडेललाई काठमाडौं ल्याइएको छ ।

उनलाई स्थलमार्ग हुँदै मंगलबार दिउँसो काठमाडौं पुर्‍याइएको हो । 

सम्पत्ति शुद्धीकरण अनुसन्धान विभागले जिल्ला प्रहरी कार्यालयको सुर्खेतसँगको समन्वयमा पौडेललाई सोमबार साँझ सवा ५ बजे वीरेन्द्रनगरस्थित शुभ होटलबाट पक्राउ गरेको थियो ।

उक्त होटलमा एमालेको कर्णाली प्रदेशस्तरीय निर्वाचन समीक्षा तथा पुनर्गठन सुझाव संकलन कार्यक्रम चलिरहेको थियो । सोही कार्यक्रमका लागि पौडेल त्यहाँ पुगेका थिए । 

पौडेललाई मंगलबार नै प्रहरीले सम्पत्ति शुद्धीकरण अनुसन्धान विभागको जिम्मा लगाएको छ ।