काभ्रे २२ वैशाख– राजनीतिमा महिला सहभागिता न्यून भएको भन्दै निर्वाचन कानूनमा महिलाका लागि आरक्षण सिट व्यवस्था गरेसँगै स्थानीय निर्वाचनमा देशभर अनिवार्य महिला उम्मेदवार निर्वाचनमा उठरिहेका छन् ।
काभ्रेको पाँचखाल नगरपालिका वडा नं. ३ मा नेकपा एमालेका तर्फबाट पाँचै जना उम्मेदवार महिला छन । वडा अध्यक्ष देखि महिला र दलित सदस्यमा महिला मात्रै उम्मेदवारी पर हो । पाँचैजना महिलाले उम्मेदवारी पाएसँगै यत्तिखेर पाँचखाल नगरपालिकाको वडा नं. ३ चर्चामा छ ।
‘महिला मैत्री नमुना वडा’ निर्माणका लागि महिलालाई सर्वसम्मत उम्मेदवार बनाइएको नेकपा एमालेका जिल्ला सचिवालय सदस्य कंचन अधिकारीले बताए । पार्टीले वडाका सबै पदमा महिला उम्मेदवारी दिएकोमा वडा अध्यक्ष विमला शर्मा पनि दंग छिन् ।
‘महिलाको बारेमा कुरा त धेरैले गर्छन् तर यसरी नमुना ढँगले हाम्रो वडामा मात्र उम्मेदवारी पायौ यो हाम्रो अवशर हो’शर्माले लोकान्तरसँग भनिन् ।
पाँचखाल वडा नं. ३ बाट वडा अध्यक्षमा विमला शर्मा सदस्यमा निरु नेपाल, दलित महिला सदस्यमा मैना सार्की तथा खुल्ला सदस्यमा पार्वती लुईटेल र रोहितकुमारी हुमागाई उम्मेदवार छन् ।
