०७ असार २०८३, आइतबार
गण्डकी प्रदेश सभाका एक सदस्य तथा सांसदलाई कोरोना संक्रमण पुष्टि भएको छ ।
परीक्षणका लागि ती सांसदले ४ दिनअघि स्वाब दिएकोमा बुधवार रिपोर्ट पोजेटिभ आएको हो ।
‘कन्ट्याक्ट टे«सिङ’मा परेपछि उनले जाँचका लागि स्वाब दिएका थिए । उनले गण्डकी प्रदेशका सामाजिक विकासमन्त्री नरदेवी पुनमगरलाई समेत भेटेका थिए ।
उनले केही दिनअघि प्रहरी गणमा खाना खाएको बुझिएको छ । उनी नेकपाबाट निर्वाचित सांसद हुन् । प्रहरी गणमा कार्यरत ३६ जना प्रहरीमा कोरोना देखिएपछि ती सांसदको समेत परीक्षण गरिएको थियो ।
उनी अहिले पोखरास्थित आफ्नै डेरामा छन् । होम आइसोलेसनमा बस्ने कि अस्पतला जाने भन्नेबारे छलफल भइरहेको छ । उच्च रक्तचापको नियमित औषधि खाने ती सांसदमा श्वासप्रश्वास समस्या पहिलेदेखि नै छ ।
गण्डकी प्रदेश स्वास्थ्य निर्देशक डा. शर्माले संक्रमण पुष्टि भएका ती सांसदसँग सम्पर्कमा आएकाहरूको सूची तयार गर्न र स्वाबको नमूना लिनका लागि योजना तयार भइसकेको बताए ।
