पुस १२, २०८०
ढुंगामाटोले बनेको घरको आँगनमा घरतर्फै फर्किएर केही मानिसहरू लाइन लागेका छन् । बार्दलीमा झुन्ड्याइएको ब्यानरमा लेखिएको छ, सक्किगोनि । ब्यानरको छेउमा उभिएका छन्, अर्जुन घिमिरे (पाँडे) । यो चर्चित ह...
नेपालीको दोस्रो ठूलो पर्व तिहारलाई दाजुबहिनी, दिदीभाइबीच प्रेम र आत्मीयता बढाउने पर्वका रूपमा लिइन्छ ।
खास गरेर भाइटीकाको समयमा दिदीबहिनीबाट दाजुभाइले पाउने आशिर्वादलाई निकै महत्त्वका साथ लिइन्छ । तिहारमा दिदीबहिनी जसरी पनि दाजुभाइलाई भेट्न पुग्छन् वा दिदीबहिनी भेट्न दाजुभाइ पुग्छन् ।
नेपाली कलाकारले पनि तिहारलाई महत्त्वका साथ मनाउँछन् । पछिल्लो पुस्ताका सबैभन्दा सफल अभिनेता अनमोल केसीका सहोदरा दिदीबहिनी छैनन् तर उनको निधार कहिल्यै खाली हुँदैन । किनभने उनका बुवा भुवनले अनमोलकी आमा ल्याउनुअघि बिहे गरेका थिए विजया केसीसँग । उनीबाट जन्मिएकी छोरी काजलबाट अनमोलले सधै टीका लगाउँदै आएका छन् ।
काजल सम्भव भएसम्म अमेरिकाबाट नेपाल आउने गरेकी छन् । २ आमा भए पनि कहिल्यै अर्की आमाको छोरी भन्ने भाव उत्पन्न नभएको अनमोल बताउँछन् ।
म्युजिक भिडियोमा चर्चित अभिनेता हुन् पुष्प खड्का । उनी शनिवार लक्ष्मी पूजाको दिन धनगढीमा थिए गीतको छायांकनका लागि । उनी काठमाडौं आएपछि बहिनीको हातबाट टीका लगाउनेछन् । ‘यो पर्व मलाई असाध्यै धेरै मन पर्छ,’ उनले भने, ‘म्युजिक भिडियोको छायांकन र चलचित्रको वर्कशपमा व्यस्त छु । अब तिहारलगत्तै चलचित्रको छायांकन हुने भएकाले पारिश्रमिक बुझेका सबै म्युजिक भिडियोको काम सकाउने योजनामा छु ।’ तिहारमा दिदीबहिनीको हातबाट टीका लगाउनुका साथै आशिर्वाद लिन पाउँदा निकै खुशी लाग्ने पुष्प बताउँछन् ।
डेब्यु चलचित्र ‘ए मेरो हजुर ३’ बाट एकाएक ‘हिट’ भएकी अभिनेत्री सुहाना थापाले टीका लगाइदिने दाजुभाइ छैनन् । निर्माता सुनिलकुमार थापा र अभिनेत्री तथा निर्देशक झरना थापाकी एक्लो छोरी सुहानाले आफ्नो काकाका छोराहरू प्रनिमेस र अभिनव थापालाई टीका लगाइदिने गरेकी छन् । हिन्दू संस्कृतिमा निकै विश्वास गर्ने सुहाना श्रीकृष्ण भगवान्की भक्त हुन् । सुहानाले तिहारमा सबैभन्दा मन पर्ने कुरा भिलिमिली रहेको बताइन् ।
उनले थपिन्, ‘आफ्नै दाजुभाइ नभएर मलाई कुनै नराम्रो अनुभव हुँदैन । आफ्नो काकाको छोराहरू हुनुहुन्छ । असाध्यै माया गर्ने आफ्नै भाइजस्तै दाजुभाइ हुनुहुन्छ । उहाँलाई नै सधै टीका लगाइदिने गरेकी छु ।’
आयुष्मान देशराज जोशीका दिदीबहिनी छैनन् । उनी सँगसँगै हुर्किएका भाइ आशिरमान देशराज र आयुष्मानले आफ्नै दिदीबहिनी नभए पनि नजिकका आफ्ना आफन्तमा रहेका दिदीबहिनीसँग टीका लगाउने गरेका छन् । आयुष्मानलाई तिहार निकै मन पर्छ । भैलो, साथीभाइसँगको जमघट उनलाई खुबै मन पर्छ ।
‘जेरी’ चलचित्रकी ‘हिट’ अभिनेत्री आना शर्माले भाइटीकाको अवसरमा टीका लगाइदिने कोही दाजुभाइ छैनन् । आनाका २ दिदीबहिनी छन्, सोही कारण उनलाई दाजुभाइ नहुनुको महसूस कहिल्यै भएन । उनलाई तिहार निकै मन पर्छ । दिदीबहिनीसँग रमाइलो गरेर तिहार मनाउने आनाले दिदीबहिनीले एकअर्कालाई टीका लगाएर भाइटीका मनाउने गरेको सुनाइन् ।
अभिनेत्री वर्षा सिवाकोटी दशैं मनाएको भोलिपल्टै अमेरिका उडिन् । यसपटकको तिहार उनले अमेरिकामै बनाउँदै छिन् । ‘सधै काम–काम भइरहेको थियो,’ उनले भनिन्, ‘घुमघामका लागि अमेरिका आएकी हुँ । यतै नजिकका दाजुभाइ पर्नेलाई यस पटकको तिहारको टीका लगाइदिने योजना छ ।’ वर्षाले तिहारको १ महिना भित्रमा नेपाल आउने योजनामा छिन् ।
उनी अमेरिकाबाट तुरुन्तै किन पनि आउनुपर्नेछ भने उनी अभिनित चलचित्र ‘पराई २’को छायांकन गर्नुछ । उनले थपिन्, ‘त्यो चलचित्रसँगै अरु केही प्रोजेक्टको कुरा पनि भएकाले तिहारलगत्तै आउँछु ।’
ढुंगामाटोले बनेको घरको आँगनमा घरतर्फै फर्किएर केही मानिसहरू लाइन लागेका छन् । बार्दलीमा झुन्ड्याइएको ब्यानरमा लेखिएको छ, सक्किगोनि । ब्यानरको छेउमा उभिएका छन्, अर्जुन घिमिरे (पाँडे) । यो चर्चित ह...
अस्ट्रेलियाको एक साङ्गीतिक कार्यक्रममा गायक सुगम पोखरेलले दर्शकलाई माइकले हानेका छन् । आइतवार बिहानैदेखि सामाजिक सञ्जालमा उक्त भिडियो भाइरल भइरहेका छन् । शुक्रवार राती नेपालमा गएको भूकम्पमा ज्यान गु...
गायिका भूमिका गिरी र गायक प्रकाश दूतराजको सहकार्य रहेको दोस्रो गीत पनि करोड क्लबमा प्रवेश गरेको छ । उनीहरुले सहकार्य गरेको ‘देउरालीमा...’ बोलको गीतलाई युट्युबमा १ करोडभन्दा बढी पटक हेरिएको हो ।...
हास्य कलाकार जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ स्टेज शोमा फर्किएसँगै मेला–महोत्सवमा खोजिन थालेका छन् । अघिल्लो शनिवार कास्कीको लेखनाथ महोत्सवमा प्रस्तुति द...
नारायण रायमाझी निर्देशित चलचित्र ‘परदेशी २’को प्रदर्शन नेपालमा अझै जारी छ । चलचित्रले शनिवार प्रदर्शनको ५१ दिन पूरा गर्दैछ । प्रकाश सपूत, केकी अधिकारी र वर्षा शिवाकोटी स्टारर यो चलचित्र...
गायक हेमन्त शर्मा आइतबार पाल्पाली दर्शकमाझ प्रस्तुत हुँदैछन् । माथागढी गाउँपालिकाको सराइमा जारी महोत्सवमा पुगेर उनले प्रस्तुति दिन लागेका हुन् । उनीसँगै अहिलेकी चर्चित गायिका समीक्षा अधिकारी पनि महोत्सवमा आकर्...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...