प्रेम सम्बन्धका क्रममा प्रेमीप्रेमिकाबीच कहिलेकाहीँ समस्या आउने गर्छ । तर सबैतिरबाट ठीक रहेकी प्रेमिकाको एउटा बानीका कारण प्रेमी हैरान हुने गरेका छन् ।

प्रेमीप्रेमिकाको पहिचान गोप्य राखेर भारतीय सञ्चारमाध्यम आजतकमा प्रकाशित समाचार अनुसार पछिल्लो ३ वर्षदेखि प्रेम सम्बन्धमा रहेका जोडीमा एउटा समस्याले तनाव सिर्जना गरेको छ ।

प्रेमिका राम्री, होनहार र स्मार्ट हुँदाहुँदै पनि उनको एउटा बानी युवकलाई मन परेको छैन । जसले गर्दा उनी हैरान हुने गरेका छन् ।

ती युवकले सुझाव माग्दै लेखेका छन्, ‘मेरी प्रेमिकामा सबै राम्रा बानी छन् तर एउटा बानी मलाई धेरै अनौठो लाग्छ । कुनै पनि काम गरिसकेपछि उनी प्रशंसा सुन्नुका साथसाथै आलोचना सुन्न चाहन्छिन् ।’

खाना बनाउने, गिफ्ट दिने वा कुनै काम गरिसकेपछि उनी धन्यवादका साथै सकारात्मक आलोचनाको पनि अपेक्षा गर्छिन् । ‘प्रेमिकाको काममा कुनै कमी पत्ता लगाउन सकिएन भने उनी रिसाउँछिन्,’ उनले भने, ‘मैले भन्नु पर्छ कि – खाना त राम्रो छ तर आलुमा कुनै स्वाद थिएन । तिम्रो पावर प्वाइन्ट राम्रो थियो तर रंगहरूको प्रयोग सही ढंगले भएको थिएन । यति मात्रै नभई कमीकमजोरी सुन्ने उनको बानी शारीरिक सम्पर्कमा समेत लागू हुन्छ ।’

शारीरिक सम्पर्क गरिसकेपछि त्यसमा भएको कमीकमजोरी प्रेमिकालाई बताउनुपर्ने भएका कारण प्रेमी हैरान छन् । ‘शारीरिक सम्पर्कमा पनि कुनै न कुनै कमी बताउनुपर्छ तर म कुनै कमी देख्दैन,’ उनले भने, ‘अवस्था यस्तो छ कि कमजोरी नऔंल्याउँदा लडाइँ–झगडा शुरू हुन्छ । त्यसैले जबरजस्ती कुनै कमजोरी निकालेर बताउनुपर्छ ।’

ती युवक प्रेमिकाबाट छुट्टिन चाहँदैनन् । तर आलोचना सुन्ने प्रेमिकाको बानीलाई कसरी हटाउने भन्नेबारे समेत उनले कुनै उपाय निकाल्न सकेका छैनन् । 

युवकको समस्याको समाधानबारे स्वास्थ्य विज्ञले लेखेका छन्, ‘आफूमा सुधार ल्याउन प्रेमीको राय लिनु स्वाभाविक र सही हो । तर यो सुधार सम्बन्धलाई सुमधुर बनाउनका लागि हुनुपर्छ, न कि जबरजस्ती ।’

विज्ञले युवकलाई सुझाव दिएका छन्, ‘तपाईं आफ्नी प्रेमिकालाई सम्झाउनुस् कि – जबरजस्ती कमीकमजोरी सुन्ने बानी अनुचित छ, यसकारण म धेरै दबाबमा हुन्छु । तिमीलाई नराम्रो नलागोस् भनेर झूट पनि बोल्नुपर्छ । यदि तपाईंकी प्रेमिका साँच्चिकै कमजोरी सुन्न चाहन्छिन् भने तपाईंले बताएको यो कमजोरी पनि बुझ्ने प्रयास गर्नेछिन् ।’