१९ असार २०८३, शुक्रबार
फ्रान्समा बर्सेनि आयोजना गरिने साइकल दौड प्रतियोगिता टूर दे फ्रान्समा शनिवार दुर्घटना भएको छ ।
सडकको छेउमा उभिएका एक दर्शकले टीभी क्यामराहरूमा ब्यानर देखाउने क्रममा सडकमा आएपछि एकपछि अर्को साइकल खप्टिएर दुर्घटना भएको हो ।
ब्रेस्ट नामक स्थानबाट तीन हप्ते साइकल दौड प्रतियोगिता शुरू भएको हो । पहिलो दिनको खेलमा ४५ किलोमिटर बाँकी रहँदा नै दुर्घटना हुन पुग्यो ।
जम्बो–भिस्मा टोली ब्रिट्टनीको साँघुरो बाटोमा भेला भएका थिए । टोनी मार्टिन नामक साइक्लिस्टले साइकल चलाइरहँदा एकजना दर्शक अचानक सडकमा आइपुगे ।
मार्टिनले ती व्यक्तिलाई छल्नै सकेनन् र उसको हातमा ठोकिएपछि उनी पक्की सडकमा पछारिए । उनीपछाडि आइरहेका १८४ साइक्लिस्टहरू एकअर्कामाथि ठोकिन थाले ।
२० जनाभन्दा बढी साइक्लिस्ट लडेर घाउचोट लाग्यो । याशा सट्टरलिनले चोटका कारण दौड नै परित्याग गर्नुपरेको छ । अन्यलाई सामान्य चोटपटक लागेको छ ।
ती बदमास दर्शकले आफ्नो ब्यानरमा हजुरबुवा हजुरआमालाई हेलो भनी लेखेका थिए ।
Holy shit what a massive pile up at the Tour de France. Absolute carnage pic.twitter.com/OX4lUnplc0
— Jordie (@jordiebarstool) June 26, 2021
