०६ असार २०८३, शनिबार
ब्रिटिश एयरवेजको एक विमान आकाशमा उडिरहेको बेलामा उसमाथि उडिरहेको विमानबाट बरफको टुक्रा खसेको छ ।
खसेको बरफको टुक्रा विमानको अगाडिको शीशामा लाग्दा शीशा चर्किएको छ । बोइङ ७७७ विमानको दुई इन्च मोटो विन्डस्क्रीन चर्कियो ।
दुर्घटना हुँदा विमान ३५ हजार फीटको उचाइमा उडिरहेको थियो । अर्को विमान त्यसभन्दा एक हजार फीट माथि थियो ।
क्रिसमसको दिन लन्डनको ग्याटविक विमानस्थलबाट कोस्टारिकाको साज जोसे गइरहेको विमान दुर्घटनामा परेको हो । विन्डस्क्रीन बुलेटप्रूफ शीशाबाट बनेको हुन्छ । उचाइमा शीशामाथि बढी प्रेसर परिरहेको हुन्छ ।
यस्तो किसिमको दुर्घटना अत्यन्तै दुर्लभ हुन्छ ।
दुर्घटनामा २०० यात्री तथा विमान कर्मचारी सुरक्षित रहे । तर विमानको आकस्मिक अवतरण गर्नुपरेकाले यात्रीहरू धेरै बेरसम्म विमानस्थलमा अड्किरहे ।
दुर्घटनाग्रस्त विमान तत्काल उडेन र यात्रीहरूलाई वास्तविक सेड्युलभन्दा ५० घन्टा ढिलो गरी उडाइयो । विमानको मर्मत गर्न धेरै समय लागेकाले यात्रीहरू कुरिरहनुपरेको थियो । ब्रिटिश एयरवेजले यसका लागि यात्रुहरूसँग माफी मागेको छ ।
