×

NMB BANK
NIC ASIA

बढ्दै लगानी प्रतिबद्धता

कोरोना संकट केही कम हुँदा बढ्यो लगानी प्रतिबद्धता : चीनबाट २३ अर्ब, भारतबाट २९ करोड

पुस १६, २०७८

NTC
Sarbottam
Premier Steels
Marvel

कोरोना महामारीपछि पुनरुत्थान हुँदै गरेको नेपालको अर्थतन्त्रमा लगानी प्रतिबद्धता बढ्दै जान थालेको छ । 

Sagarmatha Cement
Muktinath Bank

चालू आर्थिक वर्ष २०७८/७९ को मंसिर मसान्तसम्मको तथ्यांकले वैदेशिक लगानीको प्रतिबद्धता थपिँदै गएको देखाएको हो ।


Advertisment
RMC TANSEN
IME BANK INNEWS
shivam ISLAND

उद्योग विभागको मंसिर मसान्तसम्मको तथ्यांकअनुसार मुलुकमा सेवा क्षेत्रमा सर्वाधिक बढी लगानी प्रतिबद्धता आएको छ ।


Advertisment
Nabil box
Kumari

चालू आर्थिक वर्ष २०७८ को मंसिर मसान्तसम्ममा मुलुकमा झण्डै ३० अर्ब रुपैयाँ बराबरको वैदेशिक लगानी प्रतिबद्धता भएको छ । 

Vianet communication
Laxmi Bank

साउनदेखि मंसिर मसान्तसम्ममा विभिन्न १३ मुलुकबाट २९ अर्ब ९५ करोड रुपैयाँ बराबरको वैदेशिक लगानी प्रतिबद्धता भएको र त्यसलाई स्वीकृत गरिएको उद्योग विभागले जनाएको हो । 

विभागका अनुसार साउनदेखि मंसिरसम्ममा १ सय २२ परियोजनामा वैदेशिक लगानी स्विकृत भएको हो । 

जसमध्ये चीनले सर्वाधिक धेरै १ सय २ परियोजनामा लगानी प्रतिबद्धता जनाएको छ । 

चीनले मध्यमखाले ३५ र साना ६७ परियोजनामा लगानी प्रतिबद्धता जनाएको छ ।

गत आर्थिक वर्ष (आ.व.)को सोही समयमा चीनले १ सय ३ परियोजनामा लगानी प्रतिबद्धता जनाएको थियो । 

जसमध्ये १ सय २ वटा साना र १ वटा परियोजनामा उसको लगानी स्वीकृत गरिएको थियो ।

चीनले चालू आ.व.को मंसिर मसान्तसम्ममा २३ अर्ब १४ करोड रुपैयाँको लगानी प्रतिबद्धता जनाएको विभागले जनाएको छ ।

गत आर्थिक वर्षको सोही समयमा चीनको १८ अर्ब ११ करोड ७२ लाख रुपैयाँ बराबरको वैदेशिक लगानी स्वीकृत गरिएको थियो ।

चीनले चालू आ.व.मा १ सय ३ परियोजनामा लगानी गर्दा ३ हजार ५७ जनाले रोजगारी पाउने बताइएको छ । 

उद्योग विभागका अनुसार, चालू आ.व.को मंसिर मसान्तसम्ममा अमेरिकाले विभिन्न ६ साना परियोजनामा ३० करोड रुपैयाँ बराबरको लगानी स्वीकृत भएको छ । 

कुन आर्थिक वर्षमा कति लगानी प्रतिबद्धता ? 

यसअघि आर्थिक वर्ष २०७६/७७ को मंसिर मसान्तसम्म नेपाललाई विभिन्न मुलुकहरूबाट २७ अर्ब ३८ करोड रुपैयाँ बराबरको लगानी प्रतिबद्धता आएको थियो ।

सो आर्थिक वर्षमा अर्थतन्त्र ठीकठाक रहेको थियो । 

अर्थतन्त्र सामान्य अवस्थामा रहँदा २७ अर्ब ३८ करोड रुपैयाँ बराबरको लगानी प्रतिबद्धता विदेशी मुलुकहरूबाट प्राप्त हुनु राम्रो रहेको उद्योग विभागका अधिकारीहरू बताउँछन् । 

सोही आर्थिक वर्षको फागुन महिनाबाट मुलुकमा कोरोना महामारी शुरू भएको थियो । यस्तै चैत ११ गतेदेखि त सरकारले मुलुकभर लकडाउन नै घोषणा गरेको थियो । 

लकडाउन घोषणा भएसँगै मुलुकको अर्थतन्त्र ठप्पप्रायः नै रहन गयो ।

२०७७/७८ को साउनदेखि मंसिर मसान्तसम्ममा २१ अर्ब २० करोड रुपैयाँ वैदेशिक लगानी स्वीकृत भएको थियो । 

सो वर्ष कोरोना महामारीका कारण विश्वको अर्थतन्त्र नै संकटमा परेका बेला वैदेशिक लगानीको प्रतिबद्धतामा केही ह्रास आएको थियो ।

कुन क्षेत्रमा कति आयो लगानी प्रतिबद्धता ? 

चालू आर्थिक वर्षको मंसिर मसान्तसम्ममा सर्वाधिक बढी सेवा क्षेत्रका ३७ परियोजनामा वैदेशिक लगानी प्रतिबद्धता भएको छ । 

सो समयमा सेवा क्षेत्रमा विभिन्न मुलुकबाट १६ अर्ब ५० करोड रुपैयाँ बराबरको वैदेशिक लगानी प्रतिबद्धता आएको उद्योग विभागले जनाएको छ ।

यस क्षेत्रमा १ हजार ९ सय ३९ जनशक्तिले रोजगारी पाउने बताइएको छ ।

चालू आर्थिक वर्षको मंसिर मसान्तसम्ममा पर्यटन क्षेत्रमा ९ अर्ब ५५ करोड रुपैयाँ बराबरको वैदेशिक प्रतिबद्धता आएको छ ।

यस्तै निर्माण क्षेत्रमा ३ अर्ब २४ करोड रुपैयाँ लगानी प्रतिबद्धता आउँदा कृषि क्षेत्रमा ६० करोड रुपैयाँमात्रै प्रतिबद्धता आएको छ ।

चालू आवको मंसिर मसान्तसम्ममा ऊर्जामा ५ अर्ब ६२ करोड, सूचना तथा प्रविधिमा ४५ करोड रुपैयाँ वैदेशिक लगानी प्रतिबद्धता आएको उद्योग विभागले जनाएको छ । 

ऊर्जा क्षेत्रमा पनि कम

मंसिर मसान्तसम्ममा ऊर्जा क्षेत्रमा पनि कम मात्र लगानी प्रतिबद्धता आएको छ । 

यस क्षेत्रमा ५६ करोड रुपैयाँमात्रै वैदेशिक लगानी प्रतिबद्धता आएको उद्योग विभागले जनाएको छ ।

१ परियोजनाका लागि मात्रै लगानी प्रतिबद्धता आएको हो । 

नेदरल्याण्डले सो परियोजनामा ५६ करोड रुपैयाँ बराबरको वैदेशिक लगानी प्रतिबद्धता जनाएको हो । 

कुन-कुन मुलुकबाट आयो लगानी प्रतिबद्धता ? 

चालू आर्थिक वर्षको मंसिर मसान्तसम्ममा कुल १३ मुलुकले १ सय २२ साना, मध्यम तथा ठूला परियोजनामा लगानी प्रतिबद्धता जनाएका छन् । 

जसमध्ये सर्वाधिक बढी छिमेकी मुलुक चीनले प्रतिबद्धता जनाएको छ ।

उद्योग विभागका अनुसार चीनले १ सय २ परियोजनाका लागि २३ अर्ब रुपैयाँ बराबरको लगानी प्रतिबद्धता जनाएको छ । 

यस्तै अमेरिकाबाट ३० करोड रुपैयाँ लगानी प्रतिबद्धता आएको छ । ६ वटा साना परियोजनाका लागि अमेरिकाबाट लगानी प्रतिबद्धता आएको हो ।

यस्तै स्पेनबाट ४ अर्ब ८५ करोड रुपैयाँ बराबरको लगानी प्रतिबद्धता आएको छ भने सिंगापुरले १० करोड रुपैयाँ बराबरको लगानी प्रतिबद्धता जनाएको छ ।

छिमेकी मुलुक भारतबाट नेपालमा ४ परियोजनाका लागि २९ करोड रुपैयाँ बराबरको लगानी प्रतिबद्धता आएको छ ।

यी मुलुकहरूबाहेक फ्रान्स, इटाली, जापान, दक्षिण कोरिया, स्पेन, स्विजरल्याण्ड, भियतनाम लगायत मुलुकबाट पनि लगानी प्रतिबद्धता आएको छ ।

‘लगानीको वातावरण बढ्यो’

उद्योग विभागले पछिल्लो समय मुलुकमा लगानीको वातावरण बनेको दाबी गरेको छ । 

विभागका निर्देशक एवं सूचना अधिकारी ज्ञानेन्द्र पराजुलीले कोरोना महामारीपछि अर्थतन्त्र पुरानै लयमा फर्किँदा लगानीको वातावरण बनेको बताए । 

उनका अनुसार, लगानीको वातावरण बनेसँगै विभिन्न मुलुकहरूबाट वैदेशिक लगानी प्रतिबद्धता आउने क्रम पनि बढेको छ ।

कोरोना महामारी भन्दा अगाडिको समयमाभन्दा अहिले प्रत्यक्ष वैदेशिक लगानी प्रतिबद्धता बढेको निर्देशक पराजुली बताउँछन् । 

यस्तै पछिल्लो समय वैदेशिक लगानी तथा प्रविधि हस्तान्तरण ऐन २०७५ पूर्ण रुपमा कार्यान्वयनमा आउँदा पनि लगानी भित्रन सहज भएको निर्देशक पराजुली बताउँछन् ।

‘कोभिड अगाडिभन्दा अहिले बढेको अवस्था छ । यसको कारण सरकारले विदेशी लगानी तथा प्रविधि हस्तान्तरण ऐन २०७५ पूर्णरूपमा कार्यान्वयनमा आएको छ,’ निर्देशक पराजुलीले भने, ‘वैदेशिक लगानी आकर्षित गर्ने नीति कार्यक्रममा बजेटमा नै आइसकेको अवस्था छ । यसले पनि वैदेशिक लगानीलाई सहज बनाएको छ ।’

उनले अहिले मुलुकमा लगानीको वातावरण रहेकाले वैदेशिक लगानीका प्रतिबद्धता अझै आउने विश्वास व्यक्त गरे ।

hAMROPATRO BELOW NEWS
TATA Below
कात्तिक १८, २०८०

जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो ।  जिल्ला प्रहरी कार्यालय जाजरकोटका ...

कात्तिक १८, २०८०

भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...

कात्तिक १८, २०८०

जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...

माघ १८, २०८०

​सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...

कात्तिक २०, २०८०

शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए ।​​ सोमवार अपरान्ह उनको शव लिएर मलामी...

मंसिर २५, २०८०

दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो ।  दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x