मानिसहरू बजरंगबली (हनुमान) लाई संकटमुक्तिकर्ता पनि भन्ने गर्छन् । हनुमानको पूजाआजा गर्नाले भक्तजनको सबै समस्या हट्ने जनविश्वास छ ।

हनुमानको प्रसिद्ध मन्दिरहरूमा भारत राजस्थानको मेहन्दीपुर बालाजी मन्दिर पनि आउँछ । यो मन्दिर राजस्थानको दौसाका दुई पहाडको बीचमा अवस्थित छ । यस मन्दिरमा वर्षभरि भक्तजन आउँछन् र यहाँबाट खुसीसाथ फर्कन्छन् । 

राम-सीताको मूर्तिहरू बालस्वरूपमा रहेको हनुमानको मूर्ति अगाडि स्थापित छन् । यहाँ आउने भक्तजनका लागि विशेष व्यवस्था रहेको बताइएको छ । यस नियमअनुसार दर्शन गर्नुभन्दा कम्तीमा एक साताअघि भक्तजनले प्याज, लसुन, मासु, मदिरा आदिको सेवन बन्द गर्नुपर्छ ।

बाधबाट छुटकारा पाउन ठूलो संख्यामा भक्तजनहरू यहाँ पुग्छन् । 

मेहन्दीपुर बालाजी मन्दिरको अर्को नियम पनि छ, यहाँको प्रसाद न त खान सकिन्छ न कसैलाई दिन । यसबाहेक प्रसादलाई घर ल्याउन पनि पाइँदैन । प्रसादहरू मन्दिरमा नै चढाइन्छ । 

यस मन्दिरबाट कसैले पनि खाना, पेय वा सुगन्धित चीजहरू आफ्नो घरमा ल्याउन पाउँदैन । यदि ल्याइयो भने नराम्रो हुने जनविश्वास छ ।