बलिउडका बादशाह भनेर चिनिने अभिनेता शाहरुख खान यतिबेला आफ्नो फिल्म पठानलाई लिएर चर्चामा छन् । उनको फिल्म लामो समयदेखि चर्चामा छ । 

शाहरुख खान फिल्म पठानमा एकदमै फरक लुकमा देखिने भएका छन्,  जसको तस्वीर अहिले सामाजिक सञ्जालमा निकै भाइरल भइरहेको छ ।

शाहरुखले पठानसँग सम्बन्धित तस्वीर सामाजिक सञ्जालमा शेयर गरेका छन् ।

शाहरूख प्रायः सामाजिक सञ्जालमा आफ्ना फ्यानहरूसँग जोडिएका हुन्छन् र फ्यानहरूलाई आफ्ना फिल्महरूको बारेमा जानकारी दिइरहेका हुन्छन् । 

शाहरूखको तस्वीर देखेर चर्चित टीभी अभिनेत्री दीपिका कक्कड पनि प्रशंसा नगरी बस्न सकिनन् । 

उनले आफ्नो अफिसियल इन्स्टाग्राम अकाउन्टको स्टोरीमा शाहरुख खानको पछिल्लो तस्वीर शेयर गरेकी छन् । 

उनले पोस्टमा लेखेकी छन्, 'रोक्न पनि कसले चाहन्छ र, पठानलाई भेट्न म आफैंलाई रोक्न सकेको छैन ।' 

दीपिकाको यो पोस्ट सामाजिक सञ्जालमा निकै भाइरल भइरहेको छ । 

तस्वीरमा शाहरूखले शर्टलेस भएर आफ्नो ८ प्याक एब्स देखाएका छन् ।  तस्वीरमा पठानको लुक पनि देखिएको छ 

तस्वीर शेयर गर्दै शाहरुखले लेखेका छन्, 'शाहरुख यदि थोरै रोकिए पनि पठानलाई कसरी रोक्न सक्छाैं, एप्स र एब्स सबै बनाइदिनेछु ।'

चलचित्र पठानमा शाहरुखसँगै दीपिका पादुकोण र जोन अब्राहम मुख्य भूमिकामा देखिने भएका छन् ।