मंसिर १६, २०८०
कोरियोग्राफर रामजी लामिछाने एकसमय दिनैपिच्छे म्युजिक भिडियोको सुटिङमा व्यस्त हुन्थे । चल्तापुर्जा कोरियोग्राफर उनी महिनामा २२ वटासम्म म्युजिक भिडियोमा काम गर्थे । पछिल्ला महिना भने म्युजिक भिडियोमा उनको...
विक्रम संवत् २०७८ सालमा कोरोना महामारीले चलचित्र क्षेत्र ठप्पप्रायः रहे पनि त्यसको तुलनामा सांगीतिक क्षेत्र कम प्रभावित रह्यो । मेला–महोत्सव एवं कन्सर्ट नभए पनि गीत रेकर्डिङ र छायांकनको माहोलले सांगीतिक क्षेत्रलाई वर्षैंभरजसो चलायमान बनायो ।
म्युजिक भिडियोमा सामान्य अवस्थामा भन्दा धेरै लगानी भयो । चलचित्रमा व्यस्त हुने अभिनेता–अभिनेत्रीहरू धमाधम म्युजिक भिडियोमा देखिए । २०७८ सालमा एउटै गीतमा ३५ लाख रुपैयाँसम्म लगानी गरेर समेत म्युजिक भिडियो निर्माण गरियो ।
लाखौं लगानी गरेर सयौंको संख्यामा म्युजिक भिडियो निर्माण भए पनि अधिकांश भिडियोमा गरिएको लगानी वालुवामा पानी खन्याएसरी भयो । यद्यपि केही गीतलाई भने स्रोता एवं दर्शकले निकै रुचाए । ती गीतले यूट्युबमा समेत राम्रो भ्युज पाए । यस्ता छन् २०७८ सालमा रुचाइएका गीतहरू –
प्रकाश सपूतका गीत
२०७८ सालमा गायक प्रकाश सपूतले सार्वजनिक गरेका एकपछि अर्को फरक सिर्जनाले स्रोता एवं दर्शकको मन जित्यो । वर्षको शुरूतिर प्रकाशले सार्वजनिक गरेको ‘मेरो पनि हैन र यो देश’लाई स्रोता दर्शकले रुचाए । त्यसपछि तीजमा उनले सार्वजनिक गरेको ‘कुरा बुझ्न पर्च’ले पनि निकै चर्चा पायो । गीतले १५ दिनमा १ करोड भ्युज पाएर छोटो समयमै करोड क्लबमा प्रवेश गर्ने गीतको रेकर्ड समेत राखेको थियो । अहिले गीतको भ्युज २ करोड ८७ लाख बढी छ ।
प्रकाशले गत महिना सार्वजनिक गरेको गीत ‘पीर’ले सांगीतिक तप्कामा मात्र नभई राजनीतिक तप्कामा समेत हलचल नै मच्यायो । गीतले १ हप्ताको छोटो समयमै यूट्युबमा १ करोड भ्युज पायो । ‘पीर’ गीत विवादमा परेका कारण उनले सम्पादन गरेर पुनः अपलोड गरे । सम्पादित भिडियोले पनि ४८ लाख बढी भ्युज बटुलिसकेको छ ।
‘माया विरानी २– तातो गोली’
२०७८ सालको वैशाखमा सार्वजनिक भएको थियो ‘माया विरानी २– तातो गोली’ । महेश काफ्लेको शब्द, संगीत एवं महेश र मेलिना राईको स्वर रहेको गीत वर्षको सबैभन्दा बढी भ्युज पाउने गीत हो । रियल जोडी अभिनेता निश्चल बस्नेत र अभिनेत्री स्वस्तिमा खड्काका साथमा पुष्कर गुरुङ र गायक महेश स्वयम्को अभिनय रहेको भिडियोलाई हालसम्म ४ करोड ८० लाख बढीले हेरिसकेका छन् ।
विष्णु माझीको ‘चरी जेलैमा’
गायक प्रकाश सपूतले ‘कुरा बुझ्न पर्च’ गीत सार्वजनिक गरेको केही दिनपछि सार्वजनिक भएको तीज गीत थियो ‘चरी जेलैमा’ । गुमनाम जीवन बाँचिरहेकी गायिका विष्णु माझीको स्वर रहेको गीत सार्वजनिक भएसँगै निकै चर्चित बन्न पुगेको थियो ।
छोटो समयमै टिकटकमा समेत गीत छाउँदै यूट्युबमा निकै राम्रो भ्युज पाउँदै गयो । अन्ततः गीतले प्रकाश सपूतको १५ दिनको रेकर्डलाई तोड्दै १३ दिनमै यूट्युबमा १ करोड भ्युज प्राप्त गरेको थियो । गीतको भिडियोलाई हालसम्म ३ करोड ४५ लाख बढीले हेरेका छन् ।
बिस्तारै हिट भयो ‘डाँडाघरे साइँली’
२०७८ सालको अर्को हिट गीत हो ‘डाँडाघरे साइली’ । आधुनिक गायक स्वरूपराज आचार्यले स्वर दिएको पहिलो लोकदोहोरी गीत हो यो । गायिका लक्ष्मी मल्लसँग स्वरूपराजले गाएको गीतको चर्चा शुरूका दिनमा त्यति थिएन तर जब टिकटकमा छाउँदै सांगीतिक कार्यक्रममा गीत घन्किन थाल्यो, त्यसपछि भने गीतको चर्चा बढ्दै गयो । ग्रामीण परिवेशमा मौलिकतालाई ध्यान दिएर निर्माण गरिएको गीतको भिडियोमा प्रकाश सपूत, करिश्मा ढकाल, शिल्पा पोखरेल, संगीतकार श्रीकृष्ण बम मल्लको अभिनय छ । गीतले यूट्युबमा हालसम्म ३ करोड १५ लाख बढी भ्युज पाएको छ ।
दिनेशको ‘कालो केशमा रेलिमई’
२०७८ सालको मध्यतिर सार्वजनिक गीत ‘कालो केशमा रेलिमई’लाई पनि स्रोता एवं दर्शकले निकै रुचाए । दिनेश ढकालको शब्द, संगीत र स्वरमा सार्वजनिक पहिलो गीत थियो यो । गीतको चर्चा सार्वजनिक भएको केही दिनसम्म भने खासै थिएन् । यद्यपि गीतमा टिकटक बनाउनेहरू बढ्दै गएपछि गीतले एकाएक चर्चा बटुल्दै गएको थियो ।
बिस्तारै भिडियोले पनि राम्रो भ्युज पाउँदै गयो । विशेषगरी युवापुस्ताले यो गीतलाई निकै रुचाए । अहिलेसम्म यो गीतको भिडियोले १ करोड २५ लाख बढी भ्युज बटुलेको छ ।
प्रकाश दूतराजका ‘जाम भो माइली’, ‘घर कता हो बैनीको’
२०७८ सालमा गायक प्रकाश दूतराजले २ वटा हिट गीत दिए । पहिलो – ‘घर कता हो बैनीको’ । दोस्रो – ‘जाम भो माइली’ । प्रकाश दूतराजले आफ्नै शब्द, संगीत एवं आफू र गायिका शान्तिश्री परियारसँगको स्वरमा वर्षको शुरूआतमा यो गीत सार्वजनिक गरेका थिए । मौसम हिमालीको निर्देशनमा बनेको यसको भिडियोमा प्रकाशसँगै विजय पुन, जुना सुन्दास, आयुष्मा कार्कीको अभिनय छ । यो गीतको भिडियोले यूट्युबमा हालसम्म १ करोड ९१ लाख बढी भ्युज पाइसकेको छ ।
प्रकाशले वर्षको मध्यतिर सार्वजनिक गरेका थिए, ‘जाम भो माइली’ । आफ्नै शब्द, संगीत रहेको यो गीत पनि प्रकाशले गायिका शान्तिश्री परियारसँगै गाएका छन् । मौसम हिमालीको कथा एवं निर्देशनमा गायक प्रकाश दूतराज, मोडल रोशनी कार्की र निक शर्माको अभिनय रहेको गीतले हालसम्म १ करोड ३४ लाख बढी भ्युज पाएको छ । यो गीत पनि टिकटकमा समेत निकै हिट भएको थियो ।
खेम र अस्मिताको स्वरमा रहेको ‘रम रम मरौटी’
खेम सेञ्चुरी र अस्मिता अधिकारीको स्वर रहेको ‘रम रम मरौटी’ २०७८ सालको अर्को सर्वाधिक हिट गीत हो । नेत्र अर्यालको शब्द, खेमकै संगीत रहेको गीत पनि वर्षको मध्यतिर सार्वजनिक भएको थियो । सार्वजनिक भएसँगै गीत टिकटकमा निकै लोकप्रिय भएको थियो । बिस्तारै यूट्युबमा समेत गीतले भ्युज बढाउँदै लग्यो । अभिनेत्री पूजा शर्मा र मोडल ओबी रायमाझीको अभिनय रहेको भिडियोले हालसम्म २ करोड ६७ लाख बढी भ्युज पाएको छ ।
‘भिटेन’ र ‘जी–बब’का गीत
२०७८ सालमा भिटेनका नामले परिचित र्यापर समीर घिसिङ र जी–बबका नामले परिचित सुदीप भण्डारीको र्याप गीतले स्रोतामाझ छुट्टै चर्चा पाए । भिटेनले ५ महिनाअघि मात्रै सार्वजनिक गरेको ‘गल्ली सडक’ शीर्षकको गीतले यूट्युबमा करोड भ्युज पाइसकेको छ । यता, जी–बबका नामले परिचित सुदीप भण्डारीको र्याप ब्याटलले उत्तिकै चर्चा पायो । जी–बबको ‘मिललेन लेबल तेरो बाउ बोला ए’ यतिबेला पनि चर्चामा छ । सुशान्त केसी र साजनराज वैद्यका गीतहरू पनि स्रोताले रुचाए । उनीहरूका गीतले पनि यूट्युबमा राम्रो भ्युज पाएका छन् ।
‘धोकेवाज हौ तिमी’, ‘तिमीले चुमेका हातहरू’, निकिता थापाको स्वर रहेको ‘तिम्रो मनमा ए कान्छा’, ‘आँखामा आउने सपनी’, ‘को होला त्यो’, ‘धनगढीको बसमा’, ‘सम्झिनी पानी छम्किनी’, ‘सोल्टी राजाको टुम्लेट’, ‘मन परेको मान्छे’, ‘जलजला’, ‘नोगेन’, ‘म त पर्खेको पर्खेइ छु’, ‘सराङकोटको डाँडैमा’ जस्ता गीतहरू पनि २०७८ सालका स्रोता/दर्शकले रुचाएका गीत हुन् । वर्षको अन्त्यतिर सार्वजनिक ‘झम्के साँझ’, ‘घुमीघुमी’ जस्ता गीतहरूले पनि यतिबेला स्रोता एवं दर्शकको मन जित्दै यूट्युबमा राम्रो भ्युज पाइरहेका छन् ।
कोरियोग्राफर रामजी लामिछाने एकसमय दिनैपिच्छे म्युजिक भिडियोको सुटिङमा व्यस्त हुन्थे । चल्तापुर्जा कोरियोग्राफर उनी महिनामा २२ वटासम्म म्युजिक भिडियोमा काम गर्थे । पछिल्ला महिना भने म्युजिक भिडियोमा उनको...
लोकदोहोरी र आधुनिक गीतमा रुचाइएका गीतकार एवं संगीतकार राजकुमार बगरको स्वरमा ‘आँखैमा थियौ सानु’ बोलको गीत सार्वजनिक गरिएको छ । बगरकै शब्द एवं संगीत रहेको गीतमा उनीसँगै चर्चित गायिका...
हाँस्य कलाकार सिताराम कट्टेल र कुञ्जना घिमिरेले वैवाहिक वर्षगाँठको अवसर पारेर ‘भगवान कसम’ बोलको गीत सार्वजनिक गरेका छन । १५ औं वैवाहिक वर्षगाँठको अवसर पारेर ‘धुर्मुस–सुन्तली&rsqu...
प्रकाश सपूत र सनिशा भट्टराईको अभिनयमा ‘फूलमाया कान्छी’ बोलको गीत सार्वजनिक भएको छ । सोमवार सार्वजनिक यो माया प्रेममा आधारित गीत हो । गीतमा योगेश काजी शाह र शान्तिश्री परियारको स्वर छ । यसमा कृष्ण...
साङ्गीतिक क्षेत्रमा छोटो समयमै नाम र दाम दुवै कमाएकी गायिकामा पर्छिन् रचना रिमाल । करिअर सुरु गरेको ३ वर्षको अवधिमै उनले १२ सय हाराहारी गीतमा स्वर दिइसकेकी छन् । थुप्रै देशमा पुगेर आफ्नो स्वर गुञ्जाइस...
ओमनको साङ्गीतिक कार्यक्रम सकेर फर्किएकी गायिका रचना रिमाल देशभित्रका मेला–महोत्सवमा व्यस्त हुन थालेकी छिन् । विदेशको कार्यक्रम सकेर फर्किएसँगै केही गीत रेकर्ड गराएकी उनी फेरि महोत्सवमा पुग्न थालेकी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...