एलओडी क्लबमा सांगीतिक समूह ‘स्वार’ ब्यान्ड अर्थात स्वप्निल शर्माले आफ्नो प्रस्तुति दिने भएका छन् । शनिवार उनीसहित अन्य कलाकारको प्रस्तुत रहने क्लबका निर्देशक रविन श्रेष्ठले जानकारी दिए ।

उनक अनुसार सो दिनको प्रस्तुतिका लागि दर्शकले खल्तीको एपमार्फत टिकट सक्नेछन् । कार्यक्रमका लागि सबै तयारी पुरा भइसकेको उनको भनाइ छ ।

कार्यक्रमको ‌ओपनिङ आँचल र द एमीकसले गर्ने उनले जानकारी दिए । एलओडी क्लब विश्वका उत्कृष्ट क्लबहरूमध्ये ४० औ स्थानमा परेको छ ।

यसअघि सन् २०२५ मा ४४औं स्थानमा रहेको थियो । यसअघि सन् २०२२ मा ५२ औं, २०२३ मा ४९ औं र २०२४ मा ५० औं स्थानमा परिसकेको छ ।

एलओडीमा भारतीय, टर्की, जर्मनी र इटालीका कलाकारले प्रस्तुति दिएर दर्शकलाई मनोरञ्जन प्रदान गरिसकेका छन् । श्रेष्‍ठका अनुसार क्लबमा बलिउडका नेहा कक्कर, लक्की अली, विनोद राठोर अर्मन मल्लिक र इन्डियन आइडल पवनदीपलगायत गायकहरूले शो गरिसकेका छन् ।

त्यसैगरी, टीम्मी ट्रमपेट, स्टेबीन बेन, ज्योतिका टंगारी लगायतका कलाकारले समेत प्रस्तुति दिइसकेका छन् । ‘हामीले क्लब स्थापना गरेर नेपाली संगीतिक क्षेत्रका कलाकर्मीलाई स्थान दिएका छौं’, उनले भने, ‘यो स्थान कलाकारहरूको लागि केही गर्छु भन्ने मानिसको लागि एउटा प्लेटफर्म बनेको छ । यहाँ धेरै सांगीतिक समूहले अवसर पाएका छन् ।’