कात्तिक १८, २०८०
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
बैशाख १७, २०७९
गाउँगाउँमा स्थानीय चुनावको माहोल जोडतोडले तातिरहेका बेला उम्मेदवारहरू भोट आकर्षित गर्न अनेक हतकण्डा अपनाउन व्यस्त छन् ।
चुनावी घरदैलोका क्रममा उम्मेदवारहरू मतदाता प्रभावित पार्ने खालका गतिविधि मात्र हैन, पैसा बाँडेर भोट आकर्षित गर्ने होडबाजीमा समेत लागेका छन् ।
यहाँसम्म कि बहालवाला मन्त्रीकै बयोवृद्धा आमाले नै एक उम्मेदवारले भोट माग्न आउँदा आफूलाई पैसा दिएर गएको खुलासा गरेकी छिन् ।
चुनावी रिपोर्टिङका लागि लोकान्तरकर्मी संस्कृति, पर्यटन तथा नागरिक उड्डयन मन्त्री प्रेम आलेको डोटीस्थित घरमा पुग्दा उनकी आमाले आफूलाई एमालेका उम्मेदवारले भोट माग्न आउँदा पैसा दिएर हिँडेको खुलासा गरेकी हुन् ।
मन्त्री आलेको गाउँपालिकामा आलेको पार्टी नेकपा (एकीकृत समाजवादी)लाई कमजोर बनाउन एमाले उम्मेदवारले पैसा बाँडेको आरोप उक्त पार्टीका स्थानीय नेता कार्यकर्ताको छ ।
डोटीको रुवास्काँडास्थित मन्त्री आलेको पुर्ख्यौली घरमै भेटिएकी ७९ वर्षीया आमा गंगादेवी आलेले आफूलाई एमालेका तर्फबाट जोरायल गाउँपालिका वडा नम्बर २ का वडाध्यक्षका उम्मेदवार वीरबहादुर दर्लामीले १ हजार दिएर गएको बताइन् ।
‘एमालेका उम्मेदवार चुनावका लागि भोट माग्न आएका थिए, हिँड्ने बेलामा पैसा दिए । मैले चाहिँदैन, लिन्नँ भन्दाभन्दै चिया खानुहोला भनी छाडेर गए,’ उनले भनिन् ।
गंगादेवीका अनुसार मन्त्री आलेले घर व्यवहारलाई चाहिने पैसा आफैं दिने गरेका छन् ।
बुवा नभएको र आमा नशा तथा सुगरको बिरामी भएका कारण मन्त्री आले आमालाई भेट्न बेलाबेलामा घर पुग्ने गरेका छन् ।
तीन दिनअगाडि मात्रै पार्टीको कामका लागि जिल्ला आएका आले घर पुगेर फर्किएका थिए । आमा गंगादेवी गाउँमा कान्छा छोरा रुद्र आले मगरसँग बस्दै आएकी छन् ।
आलेका बुवा भारतको बम्बई रेल्वेको सुपरभाइजबाट अवकाशप्राप्त कर्मचारी भएकाले उनको पेन्सन र आफ्नो वृद्धभत्ता समेत गंगादेवीलाई आउँछ ।
कुनै खाँचो नभए पनि जबरजस्ती पैसा दिएर गएको मन्त्री आलेका भाञ्जा भरत कुँवरले बताए ।
‘चुनावको समय छ । मुमालाई पैसाको खाँचो पनि छैन । पैसा दिनुको उदेश्य के हो स्पष्ट छ नि, प्रभावमा पार्न दिइएको हो,’ कुवँरले लोकान्तरसँग भने ।
अघिल्लो दिन एमाले उम्मेदवारले पैसा दिएकै कारण आलेका घरअगाडि सवारी साधन रोकेर कुरा गर्दैगर्दा भाञ्जा कुँवरले लोकान्तरकर्मीलाई कहाँबाट आएको ? किन आएको भन्दै केहीबेर केरकार गरेका थिए ।
उनले मोबाइलमा भिडियो खिच्दै सोधे, ‘हिजो मात्रै एमाले उम्मेदवारले हजुरआमालाई पैसा दिएर प्रभावित पार्न खोजेका रहेछन् । तपाईंहरूको प्रयोजन पनि के हो ? कसले पठाएर आएको ? किन मन्त्रीकै घर खोज्दै आएको ?’
आफूहरू पत्रकार रहेको र मन्त्री सार्वजनिक पद धारण गरेको व्यक्ति भएकाले घर खोज्दै आएको भनेपछि बल्ल उनी चुप लागे ।
त्यसपछि पैसा दिएको विषयमा प्रतिक्रिया माग्दा वडाध्यक्षका एमाले उम्मेदवार दर्लामीले हामीलाई प्रमाण देखाउन चुनौती दिए । मन्त्री आलेकै घरमा पुगेको र उनकी आमाले बताएको भनेपछि उनले बल्ल पैसा दिएको स्वीकारे ।
‘बुढीआमा हुनुहुन्छ, उहाँलाई भेट्न जाँदा केही लिएर जानुपर्ने थियो, रित्तो हात गएकाले फलफूल किनेर खान पैसा दिएको हुँ,’ उनले भने ।
बुढापाकालाई भेट्न जाँदा अघिपछि पनि आफूले फलफूल लिएर जाने गरेको उनले बताए । दर्लामीले आफू ५ वर्ष विदेश बसेर आएको र गाउँमा फर्केपछि समाजसेवालाई प्राथमिकता दिएको दाबी पनि गरे ।
उनले भने ‘अघि पनि गरीब, दुःखी, बुढाबुढीको सेवा गर्ने, सामाजिक काम गर्न रुचाउने हुँदा उहाँलाई मात्रै नभएर अरू बुढाबुढीलाई भेट्न जाँदा खालि हात जाने गरेको छैन । पैसा बाँडेर मन्त्रीको आमालाई प्रभावित पार्न खोजेको हैन ।’
आफूलाई कमजोर बनाउन विपक्षीले अनर्गल प्रचार गरेको उनको आरोप छ । डोटीमा एमालेको प्रभाव राम्रो रहेको भन्दै चुनाव जित्नका लागि आफूलाई पैसा बाँड्नु आवश्यक नरहेको जिकिर समेत उनले गरे ।
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...