१८ असार २०८३, बिहीबार
जनता समाजवादी पार्टी (जसपा) नेपालका अध्यक्ष उपेन्द्र यादवको गृहनगर विराटनगर–१७ मा जसपाले खाता खालेको छ ।
जसपाका समिम कमर मिया १ हजार ४५० मत ल्याउँदै विजयी भएका छन् । प्यानलसहित जसपाले १७ नम्बर वडा जितेको छ ।
उनका निकटतम प्रतिद्वन्द्वी कांग्रेसका असलम आलमले ९४४ मत प्राप्त गरेका छन् । आलम १५ नम्बर वडाका निवर्तमान वडाध्यक्ष हुन् ।
उनी यसअघिको निर्वाचनमा संघीय समाजवादी फोरमबाट चुनाव जितेका थिए । उनी कांग्रेसमा प्रवेश गरेर वडाध्यक्षमा उठेका थिए ।
वडामा एमाले तेस्रो बनेको छ । एमालेका हमिद आजादले ६०२ मत मात्रै पाएका छन् ।
