०७ असार २०८३, आइतबार
अर्घाखाँचीको मालारानी गाउँपालिकामा एमालेबाट आमाछोरी निर्वाचित भएका छन् ।
मालारानी गाउँपालिकामा एउटै पार्टीबाट वडा नम्बर ३ मा आमा रेमकला विक र वडा नम्बर ५ मा उनकी छोरी अनिता दलित महिला सदस्यमा निर्वाचित भएका हुन् ।
एमाले अर्घाखाँचीका जिल्ला नेता सहयोगी बिसीले एमालेबाट वडा सदस्यमा निर्वाचित रेमकला र अनिता आमाछोरी रहेको लोकान्तरलाई जानकारी दिए । मालारानी गाउँपालिकामा एमालेले जित निकालेको छ ।
गाउँपालिका अध्यक्षमा दलबहादुर भटटराई र उपाध्यक्षमा दीपा पोखरेल निर्वाचित भएका छन् ।
पालिकाका अध्यक्ष उपाध्यक्षसहित ९ वटा वडामध्ये एमालेले ७ वटामा जीत निकालेको बिसीले जानकारी दिए ।
