गजल–१ 

झरी झरी नभन् एक्दिन त्यही  पानीले मार्छ  
जोगाउन सकिनस् भने आफ्नै जवानीले मार्छ    
 
मुटु पो दिईस् कलेजो त दिएको छैनस् नि ?
मदिरा-मदिरा नभन् ,साला  पिउने बानीले मार्छ     

कति चुम्छस् ढुङ्गालाई ? त्यो देवता हैन 
याद धेरै गरिस् भने यादकै लगानीले मार्छ 

भन्न त ज्योतिषीले भनेका थिए चिना हेराउँदा 
जीवनदास तँलाई कालले हैन कहानीले मार्छ 

गजल -२ 
थाहै नपाई दुई मुटुको एउटै आकार भयो 
जे भयो ठिकै भयो हामी दुईको प्यार भयो 

उनी ढल्दा मैले उठाएँ म ढल्दा उनले उठाइन् 
त्यसैले त हाम्रो भेटघाट आजकाल लगातार भयो 

देखाउन पनि नमिल्ने, सुनाउन पनि नमिल्ने 
जे हुनुथियो चुपचाप भयो तर बारम्बार भयो 

पहिलो भेटमा मदहोस् भए दोस्रो भेटमा बेहोस् भए 
मदिरा थियो, झरी थियो र त बसाई दमदार भयो 

थाहै नपाई दुई मुटुको एउटै आकार भयो 
जे भयो ठिकै भयो हामी दुईको प्यार भयो

जिनवदास सुनार , बाग्लुङ 
हाल अमेरिका