×

X
Nic Asia
Dabur
Marvel

टिप्पणी

निम्छरो मन्त्री पदले धूलिसात बनाएको विरोध खतिवडा र रामकुमारी झाँक्रीको क्रान्तिकारिता

काठमाडाैं | असार १२, २०७९

TVS INSIDE
British college

कानुन मन्त्रीबाट राजीनामा गर्ने क्रममा २०७५ साउन ८ गते शेरबहादुर तामाङ रुँदै रुँदै सिंहदरबारबाट बाहिरिएको दृश्य अझैपनि धेरैले बिर्सन सकेका छैनन् । बंगलादेशमा अध्ययनरत छात्राको सम्बन्धमा दिएको एउटा अभिव्यक्तिका कारण उनी राजीनामा गर्न बाध्य भएका थिए । 

IME BANK INNEWS

‘नैतिकताका आधारमा दिएको’ राजीनामाको प्रसंग अहिले पनि यदाकदा संसदमा उठ्ने गर्दछ । राजीनामा गरेपनि उनीप्रति सहानुभूति थियो । फलस्वरुप पछि केपी ओलीकै क्याविनेटमा दोहरिएर मन्त्री बने । सर्वोच्च अदालतको आदेशले १३ दिनमै पद गुम्यो यो बेग्लै कुरा हो । 


Advertisment
NMB BANK
RMC TANSEN
NIC ISLAND BOX

शेरबहादुर तामाङ रुँदै बाहिरिएको चार वर्षपछि सिंहदरबार छाड्दै गर्दा आइतवार रामकुमारी झाँक्री त्यसैगरी रोइन् । यसपटक रामकुमारीको रुवाइमा त्यति धेरै सहानुभूति र आलोचना दुवै मिश्रित छ । सत्ता छाड्नु पर्दा रोएको भनेर व्यंग्य र कटाक्ष भइरहेको छ । 

पछिल्ला २० दिनमा सत्ता घटक नेकपा एकीकृत समाजवादीमा देखिएको घटना नेपालको संसदीय राजनीतिका लागि अनौठो थियो । झण्डै ९ महिना अघि पार्टीको सिफारिसमा सरकारमा सहभागी भएका मन्त्रीलाई नेकपा एसले जेठ २२ गते फिर्ता बोलाउने निर्णय गर्यो । ६ महिनामा मन्त्री परिवर्तन गर्ने पूर्व सहमति अनुसार नयाँलाई अवसर दिन भन्दै चार जना मन्त्रीको नाम सिफारिस भयो । 


Advertisment
mahindra Box
Saurya island

तर, पार्टी सचिवालयको निर्णयलाई मन्त्रीहरुले चुनौती दिए । पद थमौतीका लागि मन्त्रीहरु कहिले बालुवाटार त कहिले खुमलटार धाएका थिए । संसदमा बजेट पेश भएको र विनियोजन विधेयकको मन्त्रायगत छलफल बाँकी रहेको भन्दै प्रधानमन्त्री शेरबहादुर देउवाले जेठ २३ मा शपथ गराउन अस्वीकार गरे । 

पार्टीभित्र मन्त्री फेर्न दवाव पर्ने भएकोले नेकपा एसको निर्णय कार्यान्वयन नगराउन माओवादी अध्यक्ष पुष्पकमल दाहाल प्रचण्डले समेत देउवालाई साथ दिए । आइतवार शहरी विकास मन्त्री नियुक्त भएका मेटमणि चौधरीले प्रचण्डले खेल्दा नेकपा एसका मन्त्रीले शपथ लिन नपाएको आरोप लगाएका थिए । 

Vianet communication
Maruti inside

धूलिसात भएको रामकुमारी र विरोध खतिवडाको क्रान्तिकारी छवि 

रामकुमारी झाँक्रीको परिचय क्रान्तिकारी युवा नेतृको थियो । एमालेको शक्तिशाली अखिलको अध्यक्ष भएर उनी राजनीतिमा परिचित भएकी थिइन् ।

२०७४ सालमा प्रत्यक्ष चुनाव लड्न चाहेकी उनी गुल्मीबाट टिकट नपाएपछि समानुपातिकबाट सांसद बनिन् । जनआन्दोलनको समयमा प्रहरीको लाठीबाट घाइते रामकुमारीलाई अहिले प्रदेश १ को मुख्यमन्त्री रहेका राजेन्द्र राईले काँधमा उचालेर अस्पताल लग्दै गरेको तस्वीर अहिले पनि चर्चामा आउँछ । 

रामकुमारीलाई पोष्टर गर्लको उपमा पनि दिइएको थियो । एमाले अध्यक्ष केपी ओलीको ‘अधिनायकवाद’बाट उन्मुक्तिको लागि भन्दै नयाँ पार्टी बनाउन निर्वाचन आयोगमा माधव नेपालको हात समाएर हिँडेको तस्विरले रामकुमारीको राजनीतिक यात्रालाई उचाइमा पुर्यायो । हिम्मत वाली भन्दै उनको प्रशंशा भयो, त्यो राप सेलाउन नपाउँदै उनी शहरी विकासजस्तो आकर्षक मन्त्री बनिन् । 

सरकारमा सहभागी भएपनि ९ महिनामा कुनै उलेख्य काम गर्न नसकेकी रामकुमारी एकपछि अर्को विवादमा फसिन् । आफ्नो क्रान्तिकारी विरासत विर्षेर उनी पिर्के सलामीमा रमाउन थालिन् । चर्को विरोध हुँदा पनि उनले पिर्के सलामी गलत थियो भनेर आत्मालोचना गर्नुको सट्टा प्रतिरक्षा र प्रतिवादमा उत्रिइन् । 

राष्ट्रपति विद्या भण्डारीलाई दिएको अभिव्यक्तिका कारण गतवर्ष उनी केही घण्टा प्रहरी हिरासतमा पुगेकी थिइन् । चौतर्फी दवावका कारण उनी हिरासतमुक्त भइन् । अभिव्यक्ति स्वतन्त्रतामा संकुचन लगाएको भन्दै उनले प्रतिनिधि सभा विघटनविरुद्ध आयोजना गरिएको सभामा मुखमा कालो टेप टाँसेर पुगेकी थिइन् । सरकार छाड्ने बेलामा उनले देखाएको रवैया र दम्भले राष्ट्रपति भण्डारीविरुद्ध दिएको उनको अभिव्यक्ती फिका बनेको छ । 
गत महिना रामकुमारीका विरोधीले बंगलादेशको एउटा भवनको तस्वीर सार्वजनिक गर्दै रामकुमारीको भन्दै अफवाह फैलाउन खोजे । यो फैल्याउने काममा एमालेका कार्यकर्तादेखि यो देशका स्थापित लेखकसम्म थिए । सरकारमा गएका र सार्वजनिक पद धारण गर्ने व्यक्तिलाई विना प्रमाण भ्रष्ट करार गर्ने यो परपीडक समाज हो । त्यस बखत रामकुमारीको पक्षमा जनमत देखिएको थियो । 

जब पार्टीको निर्णय लत्याउँदै सरकारबाट नहट्ने बालहट प्रदर्शन गर्न लागिन्, रामकुमारीको क्रान्तिकारी विरासत क्षणभरमै धुलाम्मे भयो । राजनीतिक भविष्य भएको नेत्री भविष्यमा पनि मन्त्री बन्ने सम्भावना छँदै थियो । यो सरकार बढीमा ६ महिना चल्ने हो । अरु केही दिन मन्त्री बन्न नपाएको र सरकार छाड्नु पर्दा झरेको उनको आँसुप्रति सहानुभूति भन्दा विरोध धेरै देखिएको छ । 

ती विरोध यी विरोध 
२०४८ सालको प्रतिनिधि सभामा सभामुख थिए, नेपाली कांग्रेसका दमननाथ ढुंगाना । त्यही प्रतिनिधि सभामा एमालेको सांसद थिए, विरोध खतिवडा ।

संसदीय इतिहास राजनीतिको कुरा गर्दा २०४८ सालको संसदलाई मानक मानिन्छ । जसलाई जीवन्त बनाउने यी पात्र थिए । क्रान्तिकारी छविका विरोधले नियमापत्ति गर्छ भनेर थाहा पाएपछि मन्त्रीहरु सजग हुन्थे भनिन्छ । 

पञ्चायतमा पनि जनपक्षीय उम्मेदवार खतिवडा मकवानपुरमा क्रान्तिकारी छवि बनाएका छन् । पटक पटक सांसद निर्वाचित भएपनि उनले मन्त्री बन्ने अवसर पाएका थिएनन् । नेकपा एमाले विभाजनमा माधव नेपाललाई दह्रो साथ दिएका खतिवडाले पार्टी निर्देशन अनुसार सरकार छाड्ने बेलामा देखाएको बचपनाले उनको क्रान्तिकारी छविलाई धूलिसात बनायो । 

सरकारबाट बाहिरिएका अर्का दुई पात्र प्रेम आले र कृष्णकुमार श्रेष्ठको बारेका समाजले धेरै टिप्पणी गरेको छैन । केपी ओली सरकारमा बनमन्त्री रहेका आले २०७८ साउन ५ गते देउवाले विश्वासको मत लिने क्रममा फ्लोर क्रस गरेर नेकपा एसमा ढल्किएका थिए । 

राजनीतिक सिद्धान्त भन्दापनि सत्ताका लागि उनले जतिबेला पनि रंग बदल्न सक्छन् । चुनावको बेलासम्म उनी नेकपा एमाले या कांग्रेसमा गए भने आश्चर्य मान्नु पर्दैन । जसपा सांसद सुरेन्द्र यादव अपहरणको बात लागेका तनहुँका किसान श्रेष्ठ पनि मन्त्री बन्नकै लागि माधव नेपालकोमा आएका थिए । 

चार मन्त्री फिर्ता प्रकरणले नेकपा एसभित्र हलचल मात्र  ल्याइदिएन, मन्त्री छाड्न चारजनाले गरेको तिकडमले अर्को संसदीय विकृतिको उजागर गरेको छ ।

नेताहरु मन्त्री बन्न किन मरिहत्ते गर्छन् र मन्त्री बनेकाहरू पद छाड्नु पर्दा किन प्राण त्यागेजस्तो गर्छन् भन्ने अहम प्रश्न र बहस आइतवार घर फर्केकाहरूले उजागर गरिदिएका छन् ।

पदलोलुपताको नयाँ उदाहरण दिएर उनीहरु बिदा भएका छन् । 
ज्यान गए मन्त्री त्याग्दैनौँ भनेकाहरू घर फर्केका छन र नयाँ चार जनाले झण्डा हल्लाउने अवसर पाएका छन् । 

TATA Below
NLIC
साउन २९, २०७९

आज (१४ अगस्ट) मा स्वतन्त्रता दिवस मनाइरहेको पाकिस्तान भूरणनीतिक अवस्थितिका कारण उच्च महत्त्वको मुलुक हो ।  भूरणनीतिक अवस्थितिको लाभ पाकिस्तानका अभिजात वर्गले उठाएको भए पनि सर्वसाधारणसम्म त्यसको प्रतिफल पुग्...

भदौ १, २०७९

रुस र चीन जस्ता निकट समकक्षी प्रतिस्पर्धीहरूबाट आफ्नो तथा आफ्ना साझेदारहरूको सुरक्षामा जोखिम पुगेको अनुभव गर्दै अमेरिकाले आणविक हतियारसम्बन्धी नीतिमा परिवर्तन गर्न खोजेको छ ।  गत साता आणविक हतियारको निग...

साउन ३१, २०७९

तालिबानले अफगानिस्तानमा दोस्रोपटक शासन चलाउन थालेको एक वर्ष पूरा भएको छ । सन् २०२१ अगस्ट १५ मा अमेरिकी गुप्तचर निकायहरूको आकलनलाई झूटो साबित गर्दै तालिबानले अमेरिकी सैनिकहरू अफगानिस्तानमा छँदाछँदै राजधा...

साउन २७, २०७९

प्रतिनिधिसभा चुनावको मिति घोषणा भएपछि सरकारका मन्त्रीहरूको ध्यान सिंहदरबारभन्दा निर्वाचन क्षेत्रमा केन्द्रित हुन थालेको छ । जागिर धान्न सिंहदरबार गएपनि मन्त्रीहरू बिहान बेलुका कार्यकर्तासँगको भेटघाटमा व्यस्त छन् ...

साउन ३०, २०७९

राष्ट्रपतिले नागरिकता विधेयक सन्देशसहित प्रतिनिधिसभामा फिर्ता गरेपछि राष्ट्रिय राजनीतिमा नयाँ तरङ्ग उत्पन्न भएको छ ।  संसदीय समितिमा छलफल भएर संसद्मा आइपुगेको विधेयक फिर्ता लिएर सरकारले नयाँ नागरिकता व...

साउन २९, २०७९

राष्ट्रपति विद्यादेवी भण्डारीले नागरिकता विधेयक–२०७९ पुनर्विचारका लागि प्रतिनिधि सभामा फिर्ता पठाइदिएकी छिन् । संघीय संसदको दुवै सदनबाट पारित भइ प्रमाणीकरण भएर राष्ट्रपतिकोमा पठाइएका विधेयक फिर्ता गर्ने द...

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

साउन ३०, २०७९

शिक्षा सामाजिक रूपान्तरण र आर्थिक समृद्धिको मेरुदण्ड हो । ज्ञान, सीप, संस्कार र स्वभाव निर्माण तथा परिस्कार शिक्षाका कार्य हुन् । नेपालको शिक्षा प्रणाली गुरुकूल हुँदै आधुनिक बहुविश्वविद्यालयको युगमा छ । तर उच्च शिक्ष...

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

साउन २९, २०७९

‘हामी फेरि पैतृक पूँजीवादको बाटोमा फर्किरहेका छौं । जहाँ अर्थव्यवस्थाको लगाम केवल सम्पत्तिवालाहरूको हातमा मात्र होइन, बरू विरासतमा प्राप्त सम्पत्तिका मालिकहरूको हातमा हुनेछ । जहाँ तपाईंको जन्म, तपाईंको म...

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

साउन २६, २०७९

बेलायतको आधुनिक राजनीतिक इतिहासमा धेरै नेताहरू लामो समयसम्म प्रधानमन्त्री वा पार्टीको नेता भएको देखिँदैन । सत्तापक्ष मात्रै होइन, कुनै पनि पार्टीको प्रमुखबाट एकपटक हटेपछि वा असफल भएपछि पुनः त्यहीँ पदका लागि उ...

ad
x