×

X
Nic Asia
Dabur
Khukuri

सिनेमा

‘वार्म वेलकम’ पाएँ, एउटा चलचित्र खेलेर हराउने गरी आएकी होइन : श्रद्धा क्षेत्री [अन्तर्वार्ता]

‘मेरो फेवरेट जनरा एक्सन हो’

काठमाडाैं | भदौ ४, २०७९

NTC
Argakhanchi Cement
Premier Steels
TVS INSIDE

शुक्रवारदेखि प्रदर्शनमा आएको चलचित्र ‘कृष्ण लीला’की अभिनेत्री हुन् श्रद्धा क्षेत्री । भारतमा जन्मिएकी, भारतमै हुर्किएकी र पढेकी श्रद्धा अडिसनमार्फत नेपाली चलचित्र उद्योगमा भित्रिएकी हुन् ।

LAxmi BAnk
nabil BANK inside

प्रदर्शनका हिसाबले ‘कृष्ण लीला’ उनको पहिलो चलचित्र हो । चलचित्रमा समावेश गीतहरू यसअघि नै ‘हिट’ भइसकेको अवस्थामा प्रदर्शनमा आएको चलचित्रलाई लिएर श्रद्धा दर्शकलाई आग्रह गर्छिन्, ‘गीतलाई जति माया दिनुभयो, त्यति नै माया चलचित्रलाई पनि दिनुहोला ।’


Advertisment
RMC TANSEN
cg elex island
NIC ISLAND BOX

‘कृष्ण लीला’लाई लिएर देखिएको उत्साह, निर्वाह गरेको भूमिका, आगामी योजना लगायतका विषयमा श्रद्धाले लोकान्तरसँग केही कुराकानी गरेकी छन् । उनले नेपाली चलचित्र क्षेत्रले आफूलाई ‘वार्म वेलकम’ गरेको समेत बताएकी छन् ।

आफू एउटा चलचित्र खेलेर हराउने गरी नआएको उनको भनाइ छ । प्रस्तुत छ उनीसँग गरिएको कुराकानीको सम्पादित अंश :-


Advertisment
Saurya island

पहिलो चलचित्र प्रदर्शनमा आएको छ । उत्साह, डर कत्तिको छ ?

– डेब्यू चलचित्र हो, स्वाभाविक डर लागिहाल्छ । अहिले नेपाली चलचित्रको अवस्था हेर्दा पनि त्यति राम्रो रेस्पोन्स आइरहेको छैन तर पनि डरसँगै ममा आत्मविश्वास पनि उत्तिकै छ । किनकि ‘कृष्ण लीला’ फरक कन्टेन्टमा निर्माण भएको छ । एउटा राम्रो विषयवस्तुलाई चलचित्रमा उठाएका छौं । सामाजिक सन्देश दिने खालका कथाहरू पनि चलचित्रमा छन् । सोही कारण दर्शकले मन पराउनुहुनेछ भन्ने विश्वास लिएकी छु । 

Vianet communication
IME BANK INNEWS

चलचित्र ‘कृष्ण लीला’ले केही दिनअघि चितवनमा आयोजना गरेको कन्सर्टमा दर्शकसँग सेल्फी लिँदै अभिनेत्री श्रद्धा । चलचित्रमा तपाईंको भूमिकाबारे बताइदिनुहोस् न !

– मैले चलचित्रमा ‘लीला’को क्यारेक्टर प्ले गरेकी छु । ‘लीला’ चाहिँ खास एउटा सामान्य परिवारकी युवती हो, जसले जीवनमा केही गरौ भन्ने उद्देश्य बोकेकी छ । चलचित्रमा ‘लीला’ले एउटा इन्स्पेक्टरको रोल पनि प्ले गरेकी छ । त्यो भनिरहँदा कतिपयले दोहोरो भूमिकामा त हुनुहुन्न पनि भन्नुभएको छ । त्यो बुझ्नका लागि त अब चलचित्र नै हेर्नुपर्‍यो नि होइन !

अभिनेता पुष्प खड्कासँग काम गर्दाको अनुभव कस्तो रह्यो ?

– एकदमै सजिलो । उहाँले एकदमै सहज वातावरण सिर्जना गरिदिनुभएको थियो । मिलनसार, एकदमै सहयोगी ‘को–एक्टर’, ‘बेस्ट को–एक्टर’ भनौं न ! सेटमा दीपक जी (निर्देशक) ले पनि एकदमै राम्रो वातावरण सिर्जना गरिदिनुभयो । काठमाडौंभित्र सुटिङ भएको भए टीमसँग त्यतिधेरै क्लोज हुँदैन्थ्यौं होला पनि । चलचित्र ४२ दिन नै काठमाडौं बाहिर सुटिङ भएका कारणले पनि टीमसँग एकदमै ‘क्लोज’ भइयो । कहिले ४२ दिन सकियो, थाहा नै भएको थिएन ।

चलचित्र ‘कृष्ण लीला’को एक दृश्यमा अभिनेता पुष्प खड्कासँग अभिनेत्री श्रद्धा ।

पुष्प खड्काको कुन पक्षले बढी आकर्षित गर्‍यो ?

– उहाँ एकदमै राम्रो साथी, एकदमै सहयोगी ‘को–एक्टर’ । एकदमै ‘हार्ड वर्किङ’ पनि हुनुहुन्छ उहाँ । उहाँले क्यारेक्टरलाई एकदमै राम्ररी बुझेर खेल्नुहुन्छ । मज्जाले रिसर्च गरेर, यो क्यारेक्टरलाई कसरी अझै राम्रो बनाउन सकिन्छ भन्ने उहाँको ‘थिङकिङ’ हुन्छ । ती कुराहरूले एकदमै आकर्षित गर्‍यो । 

तपाईं ‘लीला’को क्यारेक्टरमा डुब्न कति गाह्रो भयो ? तयारी कति गर्नुभयो ?

– इन्स्पेक्टरको भूमिका निर्वाह गर्नका लागि तयारी गरे । इन्स्पेक्टरको हिँडाइ कस्तो हुन्छ ? वडी ल्याङ्वेज कस्तो हुन्छ ? गन होल्ड गर्दा बोल्ने कसरी ? ती–ती विषयमा अलिअलि रिसर्च गरें । केही भिडियोहरू समेत हेरें । मेरो सर्कलमा जति पनि प्रहरी इन्स्पेक्टरहरू हुनुहुन्छ, उहाँहरूलाई कसरी हिँड्ने ? कसरी बोल्ने ? गन कसरी होल्ड गर्ने ? लगायतका विषयमा सोधीखोजी गरें । समग्रमा क्यारेक्टर कसरी बनाउने भन्ने कुरामा पनि ध्यान दिए । मेरो अपोजिट पुष्पको क्यारेक्टर अटिजम पीडित युवकको हो । त्यो क्यारेक्टर आर्टिस्टिक हो । त्यो खालको क्यारेक्टरलाई कसरी ह्यान्डिल गर्ने ? त्यस्तो व्यक्तिसँग नर्मल व्यक्तिसँग बोलेको जस्तो हुँदैन । हामीले अलिकति माया गरेर, अलिकति बुझाएर, केयर गरेर बोल्ने हो । त्यसका पनि केही मेहनत गरेकी थिएँ । 

डेब्यू गर्दैगर्दा नयाँ कलाकारका लागि चलचित्र क्षेत्र कत्तिको सहयोगी पाउनुभयो ?

– सहयोगी छ । मैले एकदमै ‘वार्म वेलकम’ पाएँ । सबै जनाले एकदमै माया गर्नुभयो । हाम्रो अडियन्सले चलचित्रका गीतहरू पनि एकदमै मन पराइदिनुभयो । नेपाली चलचित्र उद्योग एकदमै ‘फ्रेण्डी’, एकदमै ‘वेलकमिङ’ छ भन्छु ।

तपाईंको पृष्ठभूमिबारे जानकारी गराइदिनु न !

– मेरो बाल्यकाल भारतमा बिल्यो । भारतमा पढें । नेपालमा चितवनमा घर छ । इटहरीसँगै यहाँ काठमाडौंमा आफन्त हुनुहुन्छ । अहिले केही वर्षयता काठमाडौंमा बसिरहेकी छु ।

चलचित्र क्षेत्रमा चाहिँ कसरी जोडिनुभयो ?

– म चलचित्रमा जोडिएको खासमा ‘हृदयभरी’बाट हो । ममीले चलचित्रको अडिसनबारे यूट्युबमा देख्नुभएको रहेछ । ममीले ‘इन्करेज’ गर्नुभएपछि अडिसन दिएर चलचित्र क्षेत्रमा लागें । ममीले इन्करेज नगर्नुभएको भए सायद चलचित्र क्षेत्रमा आएकी हुँदैन्थें । त्यसपछि ‘कृष्ण लीला’मा जोडिएकी हुँ । अभिनयको हिसाबले ‘हृदयभरी’ पहिलो भएपछि प्रदर्शनको हिसाबले भने ‘कृष्ण लीला’ मेरो डेब्यू चलचित्र हो ।

‘हृदयभरी’को अडिसन दिनुअघि अभिनयतिर रुचि कत्तिको थियो ?

– मलाई मिडिया क्षेत्र एकदमै मनपर्थ्यो । नेपालमा केही गरौं भन्ने हुन्थ्यो । केही मान्छेहरूले मलाई चिनिदिओस् भन्ने थियो । अभिनयप्रति रुचि पनि थियो तर चलचित्र क्षेत्रमा आउँछु, अभिनेत्री नै बन्छु भन्ने सोचेकी थिइनँ । अचानक नै आएकी हुँ । 

‘हृदयभरी’ चलचित्र किन रोकिएको हो ? प्रदर्शनमा आउँछ/आउँदैन केही जानकारी छ ?

– चलचित्रको स्टोरीको भागको सुटिङ सकिएको हो । गीतको सुटिङ चाहिँ बाँकी छ तर किन रोकियो भन्ने कुरा मलाई थाहा भएन । निर्देशकलाई नै सोध्नुपर्छ । प्रदर्शन हुने/नहुनेबारे पनि निर्देशकसँग नै बुझ्नुपर्छ ।

‘कृष्ण लीला’का गीतहरू, टिजर, ट्रेलर पनि निकै रुचाइयो । यो चलचित्र प्रदर्शनमा नआउँदा नै अन्य चलचित्रहरूबाट पनि अफरहरू आइरहेको थियो होला है ?

– अफरहरू आइरहेका छन् तर पहिले ‘कृष्ण लीला’लाई नै फोकस गरौं भनेर यसमै केन्द्रित भएकी हुँ । अब चलचित्र प्रदर्शनमा आएको छ । कन्टेन्टमा चित्त बुझ्नुपर्‍यो, राम्रो कथाको चलचित्र आयो भने अवश्य पनि अभिनय गर्छु ।

‘कृष्ण लीला’सँगै अन्य २ नेपाली चलचित्रहरू पनि प्रदर्शनमा आएका छन् । रिलिजमा एकैदिन यसरी ३ वटा नेपाली चलचित्रहरूको प्रतिस्पर्धा हुनुलाई कसरी लिनुहुन्छ ?

– यसलाई जो–कोही कलाकारहरूले सकारात्मक रूपमा लिनु हुँदैन होला । आफ्नो चलचित्र सिंगल रिलिज होस् भन्ने नै कलाकारको चाहना हुन्छ । म पनि चलचित्र सिंगल रिलिज भएको भए राम्रो हुन्थ्यो होला भन्छु । किनभने यसरी एकअर्काबीच प्रतिस्पर्धा हुनु सबैलाई घाटा हो जस्तो लाग्छ । दर्शक, वितरक, कलाकार, निर्मातासँगै समग्र चलचित्र क्षेत्रलाई नै यसले असर गर्छ जस्तो लाग्छ । सिंगल रिलिज होस् भन्ने चाहना भए पनि त्यो कुरा हाम्रो हातमा हुँदैन । हामी कलाकारहरूले भनेर पनि हुँदैन ।
 
अब कस्तो चलचित्रमा काम गर्ने रुचि छ ?

– मेरो फेवरेट जनरा भनेको एक्सन हो । त्यसपछि हरर पनि मनपर्छ । म हलिउडमा एन्जिलिना जोलीको एक्सन चलचित्रहरू एकदमै धेरै हेर्छु । मैले एक्सन मन पराउने नै उहाँको चलचित्रहरू हेरेर हो । मेरो पहिलो रोजाइमा नै एक्सन लभ स्टोरी चलचित्रहरू पर्छन् । राम्रो स्क्रिप्ट, राम्रो कन्टेन्ट भयो भने एक्सन चलचित्रहरू प्राथमिकताका साथ गर्छु । 

अबको योजना के छ ?

– म एउटा चलचित्र खेलेर हराउने होइन । प्रोफेसनल्ली यही क्षेत्रमै लागेर यसमै करिअर बनाऔं भनेर आएकी हुँ । मेरो रुचि पनि अभिनयमा भएको हुनाले चलचित्र क्षेत्र रोजेकी हुँ । आउँदा दिनमा काठमाडौंमै बसेर अभिनय करिअरलाई अगाडि बढाउने सोच हो ।

अन्त्यमा ‘कृष्ण लीला’बारे थप केही भन्न चाहनुहुन्छ ?

– चलचित्र एकदमै नयाँ, फरक किसिमको ‘फूल प्याकेज’ हो । यो चलचित्रमा दर्शकहरू कहीँकतै बोर हुनु हुँदैन । किनकि मैले रिलिजअघि नै चलचित्र हेरिसकेकी थिएँ । मलाई मेरो चलचित्र एकदमै मनपर्‍यो । चलचित्रले दर्शकलाई निराश बनाउँदैन जस्तो लाग्छ । अहिले चलचित्र क्षेत्रको अवस्था पनि गाह्रो छ, त्यसैले धेरै माया दिनुहोला, सपोर्ट गरिदिनुहोला । त्यसमाथि मेरो डेब्यू चलचित्र पनि हो । हाम्रो चलचित्रको २ वटै गीतलाई जति माया दिनुभयो, त्यति नै चलचित्रलाई पनि माया दिनुहोला भन्न चाहन्छु ।

Maruti inside
Mega
NLIC
TATA Below
ncc inside
मंसिर २, २०७९

लोकतान्त्रिक प्रणालीलाई जीवन्त बनाउने एक महत्त्वपूर्ण र अनिवार्य आयामका रूपमा रहेको आवधिक निर्वाचनको सम्पूर्ण तयारीमा मुलुक उभिएको छ । स्वच्छ, स्वतन्त्र, निष्पक्ष, पारदर्शी र भयरहित वातावरणमा निर्वाचन गराउने दायित्व...

मंसिर १८, २०७९

मंसिर ४ मा भएको निर्वाचनको नतिजा आउँदै गर्दा मंसिर ८ मा नेकपा एमालेका अध्यक्ष केपी शर्मा ओलीले नेकपा माओवादी केन्द्रका अध्यक्ष पुष्पकमल दाहाल प्रचण्डलाई टेलिफोन गरेर चुनाव जितेकोमा बधाई दिए । त्यसपछि पुनः एमाले...

मंसिर १, २०७९

लोकतान्त्रिक समाजवादी पार्टीका नेता अनिलकुमार झा धनुषा- ३ बाट प्रतिनिधिसभाका लागि चुनाव लडिरहेका छन् । सत्ता गठबन्धनको साझा उम्मेदवार रहेका उनको मुख्य प्रतिस्पर्धा प्रतिपक्षी गठबन्धनअन्तर्गत नेकपा एमालेकी उम्मेदव...

मंसिर १४, २०७९

जनमत पार्टीका अध्यक्ष डा. चन्द्रकान्त (सीके) राउतले दुवै गठबन्धनसँग संवाद भइरहेको बताएका छन् । जनमत पार्टीको एजेन्डा पूरा गराउन जुन गठबन्धनले तत्परता, प्रतिबद्धता जनाउँछ त्यसैसँग सहकार्य हुने उनले बताएका छन् । सरका...

मंसिर १०, २०७९

जनता समाजवादी पार्टी (जसपा) का अध्यक्ष उपेन्द्र यादवले अब मधेशको मुद्दा तथा शोषित/पीडितको मुक्तिका लागि संघर्ष गर्ने बताएका छन्  । १५ वर्षअघिको 'क्रान्तिकारी' उपेन्द्र यादवलाई फेरि पनि जनताले सोही...

मंसिर १, २०७९

नेकपा एमालेका उपाध्यक्ष विष्णुप्रसाद पौडेल रूपन्देही– २ बाट प्रतिनिधिसभा सदस्य पदको उम्मेदवार छन् । रूपन्देहीको विकासमा उल्लेख्य काम गरेका पौडेल राष्ट्रिय राजनीतिमा पनि समन्वयकारी र सर्वमान्य नेताको रूपमा ...

कांग्रेसको सांगठनिक व्यवस्थापन र सुदृढीकरणको प्रश्न : खै जेहेन्दारी प्रदर्शन ?

कांग्रेसको सांगठनिक व्यवस्थापन र सुदृढीकरणको प्रश्न : खै जेहेन्दारी प्रदर्शन ?

मंसिर २३, २०७९

चन्द्रमामा पहिलोचोटि पाइला राखेबापत निल आर्मस्ट्रङ्गलाई अमेरिका मात्र होइन, सम्पूर्ण संसारले सम्मान र इज्जत गर्‍यो । बज एल्ड्रिन र माइकल कोलिन्स पनि सँगै थिए । उनीहरू पनि पहिलो हुन सक्थे तर भएनन् । जब यानबाट...

साउदी अरबमा चिनियाँ राष्ट्रपतिको भव्य स्वागत– बदलिँदो विश्व राजनीतिको संकेत !

साउदी अरबमा चिनियाँ राष्ट्रपतिको भव्य स्वागत– बदलिँदो विश्व राजनीतिको संकेत !

मंसिर २२, २०७९

चीनका राष्ट्रपति सी चिनपिङ बुधवार अपराह्न साउदी अरबको राजधानी रियाद पुगेका छन् ।  सामान्यतया साउदीले आफ्नो सबभन्दा निकटतम साझेदार अमेरिकालाई भव्य स्वागत गर्ने गर्थ्यो भने यसपालि चिनियाँ राष्ट्रपतिलाई त्यस्...

हिन्दूराष्ट्र र आन्दोलित मानसिकता

हिन्दूराष्ट्र र आन्दोलित मानसिकता

मंसिर २२, २०७९

यतिबेला वनकाली सुमार्गी भवनमा वैदिक सनातन धर्मरक्षा राष्ट्रशान्ति विराट महायज्ञ सञ्चालन भइरहेको छ । यही मंसिर १५ गतेबाट शुरू भएको महायज्ञ २३ गते शुक्रवार समापन हुनेछ । वैदिक सनातन धार्मिक महासंघको आयोजनामा भए...

ad
x