११ साउन २०८३, सोमबार
सानिमा बैंकले बुबाको मुख हेर्ने दिनको अवसरमा ग्राहकहरूलाई विशेष छुट दिने भएको छ । सानिमाका ग्राहकले उक्त दिन काठमाडौंको रेडिसन होटल (द पेस्ट्री शप), अकामा होटल, गिफ्टमाण्डु, केक मार्ट प्रालि, बालेको केक, ओनेक्स ट्रेडिङ प्रालि र सोवा हेल्थकेयर सेन्टरमा छुट प्राप्त गर्न सक्नेछन् ।
सानिमा बैंकले दिएको जानकारी अनुसार सानिमा बैंकको डेबिट, क्रेडिट कार्ड वा मोबाइल बैकिङबाट साझेदारी मर्चेन्टहरूमा भुक्तानी गर्दा २० प्रतिशतसम्मको छुट प्राप्त गर्न सकिनेछ । त्यसै गरी कुनै पनि मर्चेन्टमा ग्राहकहरूले सानिमा मोबाइल बैकिङबाट क्यूआर कोडबाट भुक्तानी गर्दा १० प्रतिशतसम्म अधिकतम १ सय रुपैयाँसम्मको छुट प्राप्त गर्ने बैंकले जनाएको छ । यो योजना भदौ ११ गतेमात्र लागू हुनेछ ।
सानिमा बैंकको क्रेडिट कार्ड बैंकको वेबसाइटमा लग इन गरेर आवेदन दिन सकिने बैंकले जनाएको छ ।
सानिमा बैंकको देशका सबै प्रदेशमा १२७ वटा कार्यालय तथा १२० वटा एटीएम सञ्चालनमा रहेका छन् । साथै, सानिमा बैंकको डेबिट तथा क्रेडिट कार्ड प्रयोग गर्दा विभिन्न अस्पताल, सपिङ आउटलेट, होटल, रेस्टुरेन्ट आदिमा विशेष छुटको व्यवस्था रहेको बैंकले जनाएको छ ।
