सनराइज क्यापिटल लिमिटेडको निष्काशन तथा बिक्री प्रबन्धकत्वमा निष्काशित धौलागिरि लघुवित्त वित्तीय संस्था लिमिटेडकोे साधारण शेयरमा बाँडफाँट गरिएको छ । उक्त साधारण शेयरका लागि १८ लाख ६५ हजार ९२६ दरखास्त फारामबाट कुल २ अर्ब ४ करोड ७५ लाख ९८० कित्ताको लागि आवेदन प्राप्त भएको थियो । 

प्रति शेयर रु. १०० अंकित दरको ३ लाख ३१ हजार कित्तामध्ये कर्मचारी तथा सामूहिक लगानी कोषलाई वितरणपश्चात बाँकी भएको ३ लाख ९ हजार २९५ कित्ता शेयर गत साउन २४ देखि २९ गतेसम्म सर्वसाधारणका लागि निष्काशन तथा बिक्री खुल्ला गरिएको थियो । उक्त अवधिमा १८ लाख ६५ हजार ९२६ दरखास्त फारामबाट कुल २ अब ४ करोड ७५ लाख ९८० कित्ताको लागि आवेदन प्राप्त भएको हो । 

उक्त निष्काशनमा आवेदन दिने १८ लाख ६५ हजार ९२६ जना आवेदकहरुमध्ये रित नपुगेका १ हजार २८६ जना आवेदकहरूलाई बाँडफाँटमा समावेश नगरी बाँकी १८ लाख ६४ हजार ६४० जना आवेदकहरुलाई एउटै समूहमा राखि ३० हजार ९२९ जनालाई १० कित्ताका दरले गोलाप्रथा विधिबाट ३ लाख ९ हजार २९० कित्ता बाँडफाँड गरिएको छ । त्यस्तै, बाँकी रहेको ५ कित्ता शेयरको लागि बाँडफाँटमा परेका आवेदकहरूमध्येबाट थप ५ जना सफल आवेदक छनोट गरी प्रतिव्यक्ति १ कित्ताका दरले ५ कित्तासमेत गरी जम्मा ३ लाख ९ हजार २९५ कित्ता शेयर बाँडफाँट गरिएको छ । 

नियमन निकायका प्रतिनिधिहरूको रोहबरमा निष्काशन कम्पनी र निष्काशन तथा बिक्री प्रबन्धकको प्रतिनिधिको उपस्थितिमा सनराइज क्यापिटल लिमिटेड, कमलपोखरी, काठमाडौंमा शेयर बाँडफाँट कार्य सम्पन्न गरिएको सनराइज क्यापिटलले जनाएको छ ।