११ साउन २०८३, सोमबार
नेपाली कांग्रेसका सभापति गगनकुमार थापाले ‘अन्य राजनीतिक दल संवाद समिति’ मा दुई जना सदस्यहरू मनोनयन गरेका छन् ।
सभापति थापाले पार्टीका केन्द्रीय सदस्य अर्जुननरसिंह के.सी.को संयोजकत्वमा गठित उक्त समितिमा केन्द्रीय सदस्यद्वय उज्ज्वलप्रसाद बराल र प्रदीपराज शर्मालाई सदस्यका रूपमा मनोनयन गरेका हुन् ।
पार्टीका कार्यवाहक मुख्य सचिव कृष्णप्रसाद दुलालले आइतबार एक प्रेस विज्ञप्ति जारी गर्दै उक्त मनोनयनबारे जानकारी दिएका हुन् । अन्य राजनीतिक दलहरूसँग आवश्यक संवाद र समन्वय गर्ने उद्देश्यले कांग्रेसले यो समिति गठन गरेको हो ।
