१० असार २०८३, बुधबार
सन् २०१८ मा फिल्म ‘बार–बार देखो’को गीत ‘काला चश्मा’ चर्चित रह्यो । अहिले पनि यो गीत डीजे पार्टीमा निकै हिट छ । कट्रिना कैफ र सिद्धार्थ मल्होत्राले अभिनय गरेको उक्त गीतलाई गायक अमर अर्शीले गाएका हुन् । र्यापर बादशाहले पनि यसलाई गाएका छन् । बादशाहले गाएको गीतले पार्टीहरूमा तहल्का मच्चाइरहेको छ । यसै क्रममा गीत गाएको ४ वर्षपछि गायकको पीडा पोखिएको छ । उनले आफूमाथि भएको अन्यायको कुरा गरेका छन् ।
हालैको एक अन्तर्वार्तामा अमर अर्शीले गीतको सम्पूर्ण श्रेय बादशाहले लिएको आरोप लगाए । यसबारे कुरा गर्दै गायकले भने, ‘बादशाहले कुनै पनि अन्तर्वार्तामा मेरो नाम लिएनन् । गीतको पूरै श्रेय उसले लियो जब उसले मसँग सेयर गर्नुपर्थ्याे ।’
गीत रिलिज भएपछि आफूलाई बलिउड उद्योगबाट धेरैको फोन आएको उनले बताए । ‘धेरै मानिसहरूले मलाई बधाई पनि दिए, तर त्यसपछि गीतको सम्पूर्ण श्रेय बादशाहले लिएर आज पनि रमाइलो गरिरहेका छन्’, उनले भने ।
उनले अब यो गीतको रोयल्टी र श्रेय लिने प्रयास गर्ने बताएका छन् ।
