बैशाख २५, २०८१
नेपाली चलचित्र ‘पुजार सार्की’को ट्रेलर सार्वजनिक गरिएको छ । काठमाडौंमा मङ्गलबार एक कार्यक्रमबीच ४ मिनेट १५ सेकेण्ड लामो ट्रेलर सार्वजनिक गरिएको हाे । आगामी जेठ १० गते विश्वव्यापी रुपमा एकसा...
नेपालीहरूको दोस्रो ठूलो चाड तिहार अर्थात् यमपञ्चकको तेस्रो दिन आज कुकुर तिहार मनाइँदै छ ।
आजको दिन घर आँगनमा कुकुरलाई मनपर्ने खाना खुवाइन्छ । पूजा गरेर माला लगाइन्छ ।
कुकुरलाई यमदूतका रुपमा पनि लिइन्छ । किनकी, कुकुर यमराजको प्रिय मध्येको भक्त मानिन्छ ।
इमान्दार र वफादार घर पालुवा जनावर पनि भनिन्छ कुकुरलाई ।
आज्ञापालक एवं रक्षक मात्र मानिँदैन यसलाई, विभिन्न अपराध गर्ने अपराधीहरू पत्ता लगाउने, अध्ययन–अनुसन्धान गर्ने कार्यमा पनि प्रयोग गर्ने गरेको पाइन्छ ।
चलचित्रमा समेत कुकुरको प्रयोग हुने गरेको छ ।
पछिल्लो समय त्यो क्रममा कमी देखिएपनि केही पुराना नेपाली फिल्म छन्, जसमा कुकुरलाई ‘हिरो’जसरी प्रस्तुत गरिएको छ ।
साथी
कुकुरलाई मुख्य भूमिकामा प्रस्तुत गरिएकामध्ये एउटा सशक्त फिल्म हो, ‘साथी’ ।
लक्ष्मीनाथ शर्माद्वारा निर्देशित फिल्म ‘साथी’ २०५४ सालमा निर्माण भएको हो ।
राजेश हमाल र करिश्मा मानन्धर शीर्ष भूमिकामा रहेको फिल्ममा कुकुरलाई निकै विशेष र सशक्त रुपमा प्रस्तुत गरिएको छ ।
फिल्ममा कुकुर ‘हिरो’जसरी पर्दामा प्रस्तुत भएको हेर्न सकिन्छ ।
फिल्ममा अभिनेता राजेशको साथीको रुपमा कुकुरको अभिनय हेर्न सकिन्छ, जसले राजेशलाई बालकदेखि जवान हुँदासम्म हरेक सुख, दुःखमा साथ दिएको छ ।
द्वन्द्वका दृश्यहरूमा मात्र नभएर गीतमा समेत कुकुरको प्रस्तुती हेर्न सकिन्छ ।
‘मलाई पनि अंग्रेजीमा बोल्न सिकाइदेऊ’ बोलको गीतमा राजेश र करिश्मासँग कुकुरको नृत्य रहेको हो ।
जून विषयलाई लिएर पनि त्यसताका निकै चर्चा भएको थियो । त्यतिबेलासम्म नेपाली फिल्ममा कुकुरको खासै प्रयोग भएको थिएन ।
कुकुरकै प्रयोग गरिएका कारण पनि ‘साथी’ फिल्मलाई लिएर निकै चर्चा भएको फिल्मकर्मीहरू स्मरण गर्छन् ।
खासमा त्यो कुकुर भारतको मदरासमा फिल्मको तालिम दिइएको कुकुर थियो ।
सोही कुकुर नेपाल ल्याएर फिल्ममा अभिनय गराइएको थियो ।
फिल्म प्रदर्शनमा आएसँगै निकै हिट भयो । अहिले पनि दर्शकहरूले उक्त फिल्मलाई सम्झने गर्छन् ।
कुकुरको प्रयोगले फिल्मको व्यापारमा समेत निकै फाइदा पुर्याएको स्वयं निर्देशक स्वीकार्छन् ।
कुकुरलाई लिएर धेरै फिल्म बने तापनि ‘साथी’ फिल्ममा कुकुरको प्रयोग निकै राम्रो भएको फिल्मकर्मीहरू बताउँछन् ।
भाइ
दीपक श्रेष्ठको लेखन एवं निर्देशन रहेको फिल्म ‘भाइ’मा कुकुरलाई मुख्य भूमिकामा प्रस्तुत गरिएको छ ।
दुई दशकभन्दा अघि प्रदर्शनमा आएको यो फिल्म कुकुरलाई नै शीर्ष भूमिकामा राखेर निर्माण गरिएको हो । फिल्ममा ‘भाइ’को भूमिकामा कुकुर प्रस्तुत छ ।
फिल्ममा सुशील क्षेत्री, दीपक श्रेष्ठ, मेलिना मानन्धर, गौरी मल्ल, बसुन्धरा भुसाल, राजेन्द्र खड्गी, विजय देउजा, सुनिल थापा लगायतको अभिनय छ ।
अभिनेता सुशीलको हरेक सुख, दुःखसँगै पारिवारिक समस्यामा समेत कुकुरले सारथीको भूमिका निर्वाह गरेको छ ।
फिल्ममा कुकुरले विभिन्न जोखिमपूर्ण कार्य समेत गरेको देख्न सकिन्छ ।
अभिनेता सुशीलको रक्षाका लागि कुकुरले आफ्नो ज्यान नै दिएको फिल्मको दृश्यले धेरैको मन छुन्छ ।
आफ्नो नजिकको व्यक्तिका लागि कुकुर कतिसम्म इमानदार र बफादार हुन्छ भन्ने सन्देश पनि फिल्मले दिन खोजेको पाइन्छ ।
फिल्ममा कुकुरको प्रयोगले व्यापारमा समेत धेरै फाइदा पुर्याएको निर्देशक श्रेष्ठको अनुभव छ ।
पापी मान्छे र पापी मान्छे २
‘भाइ’ निर्देशक दीपक श्रेष्ठकै निर्देशनमा बनेको फिल्म ‘पापी मान्छे’ र ‘पापी मान्छे २’मा पनि कुकुरलाई मुख्य भूमिकामै प्रस्तुत गरिएको छ ।
फिल्ममा कुकुरलाई द्वन्द्वका दृश्यहरूमा प्रयोग गरिनुका साथै अभिनेता अभिनेत्रीहरूको सुख दुःखमा साथ दिइएको देखाइएको छ ।
‘पापी मान्छे’मा निखिल उप्रेती, करिश्मा मानन्धर, संचिता लुइँटेल, सुनिल थापा, हिँउवाला गौतम, किरण केसी, दिनेश शर्मा लगायतको अभिनय छ ।
त्यस्तै, ‘पापी मान्छे २’मा निखिल उप्रेती, पूजना प्रधान, सुनिल थापा, सुनिल दत्त पाण्डे लगायतको अभिनय छ ।
यी फिल्ममा कुकुरसँगै बाँदरको समेत अभिनय छ ।
तकदिर
अभिनेत्री झरना थापाको निर्माण रहेको ‘तकदिर’ पनि कुकुरलाई मुख्य भूमिकामा प्रस्तुत गरिएको छ ।
१४ वर्ष अगाडि प्रदर्शनमा आएको फिल्मलाई दीपक श्रेष्ठले नै निर्देशन गरेका थिए ।
फिल्ममा अभिनेता बिराज भट्टको सहयोगीको भूमिकामा कुकुरलाई हेर्न सकिन्छ ।
‘जंगे’ नामको उक्त कुकुरले बिराजका हरेक सुख, दुःखमा साथ दिएको छ ।
फिल्ममा बिराजसँगै झरना थापा, दिलीप रायमाझी, नन्दिता केसी लगायतको अभिनय छ ।
यो फिल्मलाई पनि दर्शकले निकै रुचाएका थिए ।
अन्त्य
दिनेश शर्माको निर्माण रहेको फिल्म ‘अन्त्य’मा पनि कुकुरलाई मुख्य भूमिकामै प्रस्तुत गरिएको छ ।
फिल्ममा दिनेश शर्मा, उषा पौडेलसँगै जूनु नामको कुकुरको मुख्य भूमिका रहेको छ ।
दिनेश शर्माको सहयोगी भूमिकामा कुकुरको अभिनय छ ।
बासुदेव पोखरेलको निर्देशनमा बनेको यस फिल्ममा पनि द्वन्द्वका दृश्यहरूमा समेत कुकुरको अभिनय हेर्न सकिन्छ ।
ए मेरो हजुर ४
यसै वर्ष प्रदर्शनमा आएको फिल्म ‘ए मेरो हजुर ४’मा पनि कुकुरको अभिनय छ ।
झरना थापा निर्देशित फिल्ममा अनमोल केसी, सुहाना थापा, सलोन बस्नेत मुख्य भूमिकामा छन् ।
उनीहरूसँगै फिल्ममा ‘कोको’ नामको कुुकुरको समेत अभिनय छ ।
‘कोको’ अभिनेता अनमोल केसीको कुकुर हो ।
कुकुर प्रेमी अनमोलले ‘ए मेरो हजुर ४’मा आफ्नो प्रिय कुकुरलाई अभिनय गराएका हुन् ।
अन्य फिल्ममा पनि छ कुकुरको अभिनय
दीपक श्रेष्ठ निर्देशित फिल्म ‘हिम्मत २’, विकास आचार्य निर्देशित फिल्म ‘नसिब आफ्नो’, दयाराम दाहाल निर्देशित फिल्म ‘ढुकढुकी’, मदन घिमिरे निर्देशित ‘फैसला’ लगायतका फिल्ममा पनि कुकुरको प्रस्तुती हेर्न सकिन्छ ।
केही निर्माताले नेपाल प्रहरीबाट तालिमप्राप्त कुकुर ल्याएर फिल्ममा प्रस्तुत गरे भने केहीले विदेशबाट समेत तालिमप्राप्त कुकुर ल्याएर फिल्ममा प्रस्तुत गराएका थिए ।
तर, पछिल्लो समय भने फिल्ममा कुकुरको प्रयोग विरलै देखिन्छ ।
नेपाली चलचित्र ‘पुजार सार्की’को ट्रेलर सार्वजनिक गरिएको छ । काठमाडौंमा मङ्गलबार एक कार्यक्रमबीच ४ मिनेट १५ सेकेण्ड लामो ट्रेलर सार्वजनिक गरिएको हाे । आगामी जेठ १० गते विश्वव्यापी रुपमा एकसा...
अभिनेत्री रेखा थापा आमा बनेकी छन् । अमेरिकामा रहेकी रेखाले शुक्रवार छोरीलाई जन्म दिएकी हुन् । उनले छोरीको नाम वैभवी राज्यलक्ष्मी शाही ठकुरी राखेकी छन् । सामाजिक सञ्जालमा तस्वीर सार्वजनिक गर्दै उनले आमा...
बडा दशैँको अवसर पारेर गत शुक्रवारबाट प्रदर्शनमा आएको नारायण रायमाझी निर्देशित चलचित्र ‘परदेशी २’ले दर्शकबाट सुखद् प्रतिक्रिया पाइरहेको छ । हलबाट निस्किँदै गरेका दर्शकहरूले आजको नेपाली समा...
निर्देशक राजु गिरीले ‘ईश्वर’ नामक चलचित्र निर्माणको घोषणा गरेका छन् । दिव्या कंगना फिल्मसको प्रस्तुतिमा बन्ने चलचित्रमा गिरीको लेखन एवं निर्देशन रहनेछ । यसमा पटकथा एवं संवाद भोजराज देवकोटाको रहनेछ ...
अहिलेका सर्वाधिक हिट अभिनेता हुन् दयाहाङ राई । उनि अभिनीत एकपछि अर्को फिल्मले हलमा राम्रो व्यापार गरेका छन् । यसवर्ष पनि उनको शीर्ष भूमिका रहेको ‘जारी’ र ‘नाङ्गो गाउँ’ले राम्र...
अभिनेता राजेश हमालबारे नकारात्मक टीकाटिप्पणी कमै हुने गरेको छ । सामाजिक सञ्जालमा पनि उनीबारे आलोचना गरेको खास्सै पाइँदैन । तर, यसपटक भने फेसबुक पोष्टमा राजेशले आलोचना खेपेका छन् । उनले फेसबुकमा ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...