×

NMB BANK
Dabur

प्रतिनिधिसभा निर्वाचन

लोसपाले कति सीट जित्छ ? थ्रेसहोल्ड कट्छ कि कट्दैन ? [महन्थ ठाकुरसँग अन्तर्वार्ता]

कात्तिक २९, २०७९

NTC
Sarbottam
Premier Steels
Marvel

लोकतान्त्रिक समाजवादी पार्टी (लोसपा) नेपालका अध्यक्ष महन्थ ठाकुर वयोवृद्ध अवस्थामा पनि नवयुवाको जोशसहित चुनाव प्रचार गरिरहेका छन् । 

Sagarmatha Cement
Muktinath Bank

महोत्तरी–३ बाट प्रतिनिधिसभा सदस्यका लागि उनी लोसपाका उम्मेदवार हुन् । जनता समाजवादी पार्टीका हरिनारायण यादव र स्वतन्त्र उम्मेदवार रामआधार कापरले उनलाई टक्कर दिइरहेका छन् । 


Advertisment
RMC TANSEN
IME BANK INNEWS
shivam ISLAND

चुनाव प्रचारका क्रममा अतराढ गाउँमा भेटिएका ठाकुरसँग लोकान्तरकर्मीहरू विन्देश दहालअजयअनुरागीले चुनावकेन्द्रित तथा मधेशी एजेन्डाका विषयमा कुराकानी गरेका छन् । 


Advertisment
SBL

प्रस्तुत छ, कुराकानीको संक्षेप :

Vianet communication
Laxmi Bank

अहिले निर्वाचनमा होमिनुभएको छ । कस्तो माहोल पाइरहनुभएको छ ?

– राम्रै छ । भेटघाट भइरहेको छ । मत माग्ने काम हो । 

जनताले के भनिरहेका छन् ?

– विकास निर्माणको विषयमा कुरा हुन्छ । अरू विषयमा पनि कुरा हुन्छन् । समस्याहरू छन् । ती विषयहरूमा पनि कुरा हुन्छ ।

प्रतिद्वन्द्वीहरूले तपाईंलाई कडा टक्कर दिइराख्नुभएको छ भन्ने हल्ला छ । 

– चुनाव हो । प्रतिस्पर्धा त भइहाल्छ । बहुदलीय व्यवस्था हो । 

तपाईं जित्ने आधारहरू के हुन् ?

– जित्ने आधार भनेको राजनीतिप्रति, मधेशी जनताप्रतिको मेरो प्रतिबद्धता हो । मैले सबैथोक छोडेर आएको कुरा यहाँका जनतालाई थाहा छ । 

सबै छोडेर आएँ भन्नुभयो । के के पाइन्थ्यो होला कांग्रेसमै बसिरहेको भए । 

– कांग्रेसमा त म उच्च पदमा पुगिसकेको थिएँ । जे पनि हुन सक्थें । तर नैतिक प्रश्न उठेको थियो । गोली चलिरहेको थियो, मान्छे जेलमा गइरहेका थिए । त्यसपछि यहाँका जनताले पनि मलाई ‘अब के लिनुछ र, आउनुस्’ भन्नुभयो । त्यसपछि म मधेश आएँ ।

मधेशमा आएपछि पनि ठूलै योगदान गर्नुभयो । तपाईंले उठाउनुभएका कतिपय एजेन्डा सफल भए । तर कतिपय लक्ष्य अझै हासिल भएका छैनन् । संविधान संशोधनको कुरा पनि भएन नि !

– संविधान संशोधनको विषय छ । भाषासम्बन्धी विषय छ । मधेश आन्दोलनको दौरान साथीहरूमाथि मुद्दा लगाइएको छ । आतंककारी भनिएको छ । जेलमा राखिएको छ । तिनीहरूको रिहाइका लागि कुराकानी भइरहेको छ । कानूनी कारवाही गरिसकेपछि कानूनद्वारा नै त्यसको निकास खोज्नुपर्नेछ । मुद्दा फिर्ता लिनुपर्ने कुरा छ । राजनीतिक आन्दोलनहरूमा सहभागी भएकाहरूमाथि आपराधिक मुद्दा चलाइएको छ । उहाँहरू छुट्नुपर्छ भन्ने हाम्रो माग जारी छ । 

नागरिकता सबैलाई जरूरी छ । नागरिकताविना नागरिकको अस्तित्व हुँदैन । नागरिकताबाट राज्यसँग संवैधानिक र कानूनी सम्बन्ध बन्छ । राज्यबाट पाउने सेवासुविधा नागरिकताबाट नै सम्भव हुन्छ । नागरिकताविना कुनै काम गर्न सकिँदैन । बाहिर जान पनि सकिँदैन । मधेशको मानिस नागरिकताविना पीडित छ । संघीय कानूनअनुसार नागरिकता दिलाउनुपर्छ । 

संविधान संशोधनको एजेन्डा उठाउनुभएको थियो । अहिले पनि त्यो एजेन्डा हो ?

– छँदैछ नि । जनसंख्याको आधारमा प्रतिनिधित्व हुनुपर्छ भन्ने हाम्रो माग अहिले पनि छ । सरकारले थोरै करेक्सन गर्‍यो । जस्तै, प्रतिनिधिभामा पनि सीट बढाइयो । स्थानीय तहमा पनि संख्या बढाइएको छ । तर राष्ट्रिय सभामा अहिलेसम्म पनि जनसंख्याको आधारमा प्रतिनिधित्व छैन । 

बजेट वितरणमा पनि प्रश्न छ । मधेशले थोरै बजेट पाइरहेको छ जबकि राजस्व यहाँबाट बढी जान्छ । त्यसले गर्दा मधेश शिक्षा, स्वास्थ्य, रोजगारीमा पछाडि परेको छ । मधेशीहरूको प्रतिव्यक्ति आम्दानी कम छ । 

मधेश आन्दोलनमार्फत मधेशका एजेन्डाहरू स्थापित त भए तर मधेशवादी शक्तिहरू तितरबितर भए । यसले मधेशलाई क्षति भएको छैन र ?

– दलीय प्रणालीमा यो कुनै ठूलो कुरा हैन । पार्टीहरू बन्छन्, बिग्रन्छन् । नेता कार्यकर्ता एक पार्टीबाट अर्को पार्टीमा जान्छन् । नामै हो बहुदल । त्यसकारण यो सबै भएको हो । हाम्रोमा राजनीतिक उथलपुथलको इतिहास रहेको छ । मारकाट, हत्या, षड्यन्त्रको इतिहास छ । राजनीतिक स्थिरता आएपछि मात्र विकास हुने हो । स्थिरताले सामान्य अवस्था ल्याउँछ र त्यसपछि मात्र काम हुन्छ । छिटोछिटो प्रधानमन्त्री र मन्त्रीहरू बदलिँदा काममा अवरोध हुन्छ । सचिवहरू सरुवा यताउता हुँदा कामहरूमा असर परिरहेको हुन्छ । 

मधेशी शक्तिहरूसँग गठबन्धन किन हुन सकेन भनी सोधेको ।

– प्रत्येक पार्टीको एउटै एजेन्डा हुँदा पनि नीति कार्यक्रम अलगअलग हुन्छ । जुनसँग चित्त बुझ्छ, त्यसैसँग गठबन्धन गर्ने हो । 

अहिले गरेको गठबन्धनलाई सकारात्मक रूपमा लिनुभएको छ ?

– नकारात्मक भएको भए गठबन्धनमा आउँदैनथियौं नि । 

लोसपाले धेरै ठाउँमा उम्मेदवारी दिएको छ । कतिपयले चाहिँ लोसपाको थ्रेशहोल्ड नै कट्दैन, राष्ट्रिय पार्टी नै बन्दैन भनेर आकलन गरिरहेका छन् । यथार्थ के हो ?

– यथार्थ त मतपरिणाम आएपछि देखिन्छ । हामी अन्तर्यामी हैनौं, पण्डित हैनौं यति नै सीट आउँछ भन्नका लागि । अनपेक्षित परिणामहरू यसपालि आउन सक्छ । 

तपाईंको पक्षमा ?

– हैन, मैले समग्र चुनावी परिणामको कुरा गरेको हो । स्थानीय तहको परिणामले त्यो देखाएको छ । त्यसको आधारमा मैले भनेको हो । 

गठबन्धन भनियो तर तपाईंहरूको सहमति कांग्रेससँग मात्र भयो नि सीट बाँडफाँटमा । कांग्रेससँग मात्र हो गठबन्धन तपाईंको ?

– गठबन्धन त सबैसँग भएको हो । कांग्रेसले नेतृत्व गरिरहेको हुनाले र अन्तिम समयमा गठबन्धन भएको हुनाले सबैसँग सहमति हुँदाहुँदै पनि नेतृत्वकर्ताको हिसाबले कांग्रेससँग सीट बाँडफाँट गरियो । 

मंसिर ४ पछि लोसपा सरकारमा जान सक्छ होला ?

– सरकारमा जाने नजाने त परिणाममाथि निर्भर रहन्छ । गठबन्धनको अवस्था के हुन्छ, त्यसमाथि निर्भर हुन्छ । 

मधेश प्रदेशमा तपाईंको नेतृत्वको सरकार बन्छ कि बन्दैन ?

– हाम्रो नेतृत्वमा बन्ने सम्भावना छैन । भन्न खोजेको, हाम्रो नेतृत्वमा बन्न सक्छ तर पूर्ण बहुमत हामीले ल्याउने सम्भावना छैन । 

तपाईंहरूलाई मुख्यमन्त्री नै चाहिन्छ मधेश प्रदेशमा भनेर सहमति भएको हो ?

– कुरा त जे पनि हुन्छ नि । राजनीतिमा सबैले आआफ्नो पक्ष राख्छन् । 

त्यस्तो कुनै सहमति भएको छैन ? दाबी मात्र हो ?

– परिणाम नै आएको छैन । अनि कसरी सहमति हुने हो ? चुनाव जितेर सांसद भइसकेपछि सबैजना प्रधानमन्त्री, मन्त्री, मुख्यमन्त्रीका लागि फिट हुन्छन् । 

चुनावपछि राष्ट्रपति वा प्रधानमन्त्री बन्ने चाहना छ ? तपाईंको यति धेरै लगानी भयो ? कतिपयले तपाईंको यो नै अन्तिम चुनाव हो भनिरहेका छन् ।

– शुरूमा नै मैले भनिसकें, म सबै चीज छोडेर आएको हो । दिएको त हो नि मलाई । तर छोडें । प्रेसले नै सबैथोक बनायो । ठीक छ । धन्यवाद छ त्यसका लागि । 

समीकरण मिल्यो भने प्रधानमन्त्री बन्ने सम्भावना छ ?

– मागेको छैन मैले । 

hAMROPATRO BELOW NEWS
NLIC
TATA Below
चैत २५, २०७९

वैशाख १० गते हुने प्रतिनिधिसभा सदस्यको उपनिर्वाचन नजिकिँदै गर्दा चितवनमा राजनीतिक गतिविधि बढेको छ । मंसिर ४ को चुनावमा रास्वपा विजयी भएको चितवन २ मा उपनिर्वाचनका माध्यमबाट आफ्नो राजनीतिक विरासत फर्काउन न...

फागुन ३, २०८०

नेपाली कांग्रेसबाट धोका भएको र गठबन्धन सम्बन्धमा पुनर्विचार गर्नुपर्ने अवस्था आउन सक्ने प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डको अभिव्यक्तिले राजनीति तरंगित छ ।  माओवादीको विधा...

पुस २२, २०७९

नेकपा एमालेको समर्थनमा नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ प्रधानमन्त्री बनेपछि देशको राजनीतिले नयाँ कोर्स लिएको छ । तर, नयाँ प्रधानमन्त्रीले विश्वासको मत नलिँदै सरकार गिराउने खे...

असार १, २०८०

बुधवार उच्च अदालत विराटनगर पुग्दा धरान उप–महानगरपालिकाका मेयर हर्क साम्पाङ एक वकिलसहित भेटिए । मुद्दाको पेशी भएकाले उनी आफैं उपस्थित भएका रहेछन् । धरान खानेपानी विकास बोर्डको बैठक नबोलाएको भन्दै सा...

पुस ३, २०८०

बैतडीको झुलाघाटदेखि पाँचथरको चिवाभञ्ज्याङसम्म मध्यपहाडी यात्रा सकेर नेकपा एमालेको नेतृत्व काठमाडौं फर्किएको छ । संसद्को प्रमुख प्रतिपक्षी दल एमालेको नेतृत्वले मध्यपहाडी यात्राका दौरान सरकारको चर्को आलोचना गरेक...

जेठ २२, २०८०

प्राध्यापक डा. जयराज आचार्यले प्रधानमन्त्री पुष्पकमल दाहाल ‘प्रचण्ड’को भारत भ्रमण फलदायी नभएको टिप्पणी गरेका छन् । देशको प्राथमिकतालाई पहिचान गर्न नसक्दा प्रधानमन्त्री चुकेको उनको टिप्पणी छ । ‘हा...

एमाले–माओवादी ‘सजातीय’ गठबन्धन

एमाले–माओवादी ‘सजातीय’ गठबन्धन

फागुन २२, २०८०

वि.सं. २०७९ पुस १० गते गठन भएको प्रधानमन्त्री प्रचण्ड नेतृत्वको सरकारले आफ्नो प्राथमिकता तोक्यो– सुशासन, सामाजिक न्याय र समृद्धि । सोही मार्गचित्रका आधारमा सरकार अगाडि बढ्दै जाँदा सत्तागठबन्धन दलहरूबीच कार्यन...

कहाँ चुक्यौँ हामी ?

कहाँ चुक्यौँ हामी ?

फागुन १९, २०८०

हामी सबैको आकाश एउटै छ । धर्ती एउटै छ । हावा, पानी, माटो एउटै छ । अग्नि, वायु, सूर्य एउटै छ । जन्म प्रक्रिया एउटै छ, मरण प्रक्रिया एउटै छ । जीवन प्रक्रिया एउटै छ, जीवन प्रणाली एउटै छ । मांसपेशी प्रणाली एउटै छ ...

‘कुशासन’- पवित्रतालाई समेत छायाँमा पारेको एक बदनाम शब्दावली

‘कुशासन’- पवित्रतालाई समेत छायाँमा पारेको एक बदनाम शब्दावली

फागुन १७, २०८०

हामीले सुन्दै आएको शब्द ‘कुशासन’को दुई फरक अर्थ हुन्छ । धेरैले राज्य शासनसँग जोडिएको घिनलाग्दो शब्द 'कुशासन' सुन्नुभएकै छ। पूजापाठ वा पवित्र कार्यमा बिछ्याइने कुशबाट बनेको चकटी वा आसनलाई प...

x