२५ जेठ २०८३, सोमबार
कैलाली–४ मा नेपाली कांग्रेसका वीरबहादुर बलायर प्रतिनिधि सभा सदस्य पदमा निर्वाचित भएका छन् । गत आइतवार सम्पन्न प्रतिनिधि सभा एवं प्रदेश सभा निर्वाचनको सम्पन्न मतगणनामा उनी नेकपा (एमाल)का लेखराज भट्टलाई पराजित गर्दै विजयी बनेका हुन् ।
नव निर्वाचित बलायरले २६ हजार एक सय ७१ मत पाउँदा भट्टले २२ हजार पाँच सय ३३ मत पाए । उनीहरुको मतान्तर तीन हजार चार सय ३८ छ ।
विसं २०७० मा डोटीबाट निर्वाचित भएका बलायरले भौतिक पूर्वाधार मन्त्रीको जिम्मेवारी सम्हालेका थिए । अघिल्लो निर्वाचनमा उनी तत्कालीन एमालेका प्रेमबहादुर आलेसँग पराजित भएका थिए । हाल आले नेकपा एकीकृत समाजवादीमा छन् ।
