२९ जेठ २०८३, शुक्रबार
बागमती प्रदेशका मुख्यमन्त्री तथा नेकपा एकीकृत समाजवादीका नेता राजेन्द्र पाण्डे धादिङ क्षेत्र नम्बर १ बाट प्रतिनिधि सभा सदस्यमा विजयी भएका छन् । बिहीवार साँझ सम्पन्न मत गणनाको अन्तिम परिणामअनुसार पाण्डेले नेकपा एमालेका भूमिप्रसाद त्रिपाठीलाई पराजित गर्दै प्रतिनिधि सभा सदस्य पदमा निर्वाचित भएका हुन् ।
पाण्डेले ३६ हजार ९३४ मत प्राप्त गरेका छन् । उनका निकटम प्रतिपष्र्धी त्रिपाठीले २७ हजार ९५३ मत प्राप्त गरे । सत्तारुढ गठबन्धनका साझा उम्मेलदवार रहेका पाण्डेले त्रिपाठीलाई ७ हजार ९८१ मतान्तरले पराजित गरे ।
तेस्रो स्थानमा रहेका राष्ट्रिय स्वतन्त्र पार्टीका उम्मेदवार हिमेश पन्तले १२ हजार ४७५ मत पाए भने मंगोल नेसनल अर्गनाइजेसनका सुमन तामाङ ८८२ मत प्राप्त गरे । धादिङ क्षेत्र नम्बर २ बाट गठबन्धनकै तर्फबाट नेपाली कांग्रेसका उम्मेदवार रामनाथ अधिकारी निर्वाचित भएका छन् ।
