२९ जेठ २०८३, शुक्रबार
तपाईं लामो समय भोको बस्नुहुन्छ अर्थात् खानाको समयमा ग्याप राख्नुहुन्छ भने चाँडो मृत्युको जोखिम बढ्ने अमेरिकी अनुसन्धाताहरूले बताएका छन् ।
अनि एकपटकमा एकदमै धेरै खाना खाने गर्नुभएको छ भने पनि जोखिमको स्तर बढ्छ ।
दिनमा तीनपटक खानाखाजा खानुको साटो एकैपटकमा धेरै खाना खाँदा मृत्युको खतरा ३० प्रतिशतसम्म बढ्ने अनुसन्धाताहरूको दाबी छ ।
यस अध्ययनमा ४० भन्दा कम उमेरका लगभग २४ हजार मानिसलाई सहभागी गराइएको थियो । उनीहरूमाथि १५ वर्षसम्म निगरानी राखिएको थियो ।
अध्ययनको निष्कर्ष जर्नल अफ न्युट्रिसन यान्ड डायबिटिक्स जर्नलमा प्रकाशन गरिएको छ ।
टेनेसी विश्वविद्यालयका अनुसन्धाताहरूले खानाको बीचमा लामो अन्तर राख्ने वा एकैपटकमा धेरै खाने मान्छेमध्ये ८३ प्रतिशतलाई मुटुरोग लाग्ने जोखिम बढेको पाए ।
दिउँसो खाजा नखाने मान्छेमध्ये ४० प्रतिशत मुटुरोगको जोखिममा छन् । लन्च वा डिनर नगर्ने मानिस मर्ने सम्भावना १२ देखि १६ प्रतिशत बढी थियो ।
