गोहीको आक्रमणबाट यसरी बाँच्यो हरिण (रोमाञ्चक भिडियो)

मंसिर १५, २०७९

गोहीको आक्रमणबाट यसरी बाँच्यो हरिण (रोमाञ्चक भिडियो)

सामाजिक सञ्जालमा एउटा हरिणले गोहीको आक्रमणबाट बाँच्नका लागि देखाएको फुर्तीको रोमाञ्चक भिडियो भाइरल भइरहेको छ ।

जम्मा ५९ सेकेन्डको क्लिपमा हरिणले तलाउमा पानी पिइरहेको देखिन्छ । उसले पानी पिउँदै गर्दा एउटा खतरनाक गोही किनार नजिक आइपुग्छ । अचानक गोहीले हरिणमाथि आक्रमण गर्दा हरिणले तत्कालै त्यसको भेउ पाएर उफ्रिएको देखिन्छ ।

हरिणको फुर्ती देखेर गोही छक्क पर्छ । एकछिन अघि देखिएको हरिण आँखा झिम्क्याउन नपाउँदै कतै अलप हुन्छ ।

भारतका वन अधिकारी डा सम्राट् गौडाले आफ्नो ट्विटर अकाउन्टबाट यो भिडियो शेयर गरेका हुन् ।