एजेन्सी- मानव जीवनका लागि रुखहरूको ठूलो योगदान हुन्छ । यसविना जीवनको कल्पना पनि गर्न सकिन्न । तर धर्तीमा यस्ता पनि रुख हुन्छन् जसले मनुष्यको ज्यानै समेत लिन्छन् ।
यहाँ हामी सरबेरा ओडोलम नामक रुखको कुरा गर्दैछौं । हेर्दा सुन्दर र आकर्षक देखिने यो रुख खतरनाक छ ।
दक्षिण पूर्वी एसियाली मुलुकहरूमा पाइने यो रुखका कारण औसतमा हरेक महिना पाँचजनाको ज्यान जाने गरेको छ ।
शोधकर्ताहरूका अनुसार सरबेरा ओडोलममा सरबेरीन नामक तत्त्व पाइन्छ र त्यो अत्यन्तै विषालु हुन्छ । यसको सानो मात्रा पनि शरीरमा पस्यो भने केही मिनेमै पेट र टाउको दुख्न थाल्छ, बान्ता आउँछ, मुटुको ढुकढुकी बिग्रन्छ र डायरिया हुन्छ । गोमन लगायतका साँप पनि यसको अगाडि टिक्दैनन् ।
यो रुखले शरीरको एन्जाइम र हृदयको कार्यप्रणालीलाई प्रभावित गर्छ र केही घन्टाभित्रै मनुष्यको मृत्यु हुन्छ ।
यसलाई हतियारका रूपमा पनि प्रयोग गर्ने गरिएको छ ।
