बिरिसु मिडियाको आयोजनामा हुन लागेको “दोस्रो स्टार म्युजिक एण्ड फिल्मस अवार्ड –२०८० को आवेदन फारम खुल्ला भएको छ । काठमाडौँको कालिस्थानस्थित कटिया हाउसमा पत्रकार सम्मेलन गरी आयोजकले सो जानकारी गराएको हो । 

अवार्ड ८० बिधामा गर्न लागिएको र अवार्डको लागि २०७९ फागुन ६ गतेदेखि चैत ११ गतेसम्म फाराम खुल्ला गरेको छ । अवार्डको टप ५ नोमिनेशन चैत २५ गते शनिबार सार्वजनिक गरिने बिरिसु मिडियाका अध्यक्ष विवेक लोप्चनले बताए । फारम दर्ता शुल्क अनलाइनबाट भुक्तानी गर्न सकिनेआयोजकको भनाइ छ ।अवार्डमा २०७७ चैत २५ गतेदेखि २०७९ चैत ११ गतेसम्म भित्रका गीत संगीतलाई समावेश गरिने बताइएको छ । 

फारम दर्ता शुल्क नेपालबाट एक हजार रुपैँया र बिदेशबाट १५ सय रुपैँया तोकिएको छ । अवार्डमा एसएमएस भोटिङ्बाट आएको अंकलाई ५० र जुरिको निर्णय ५० हुने आयोजक टिमले बताएको छ ।  मिडिया संयोजनको जिम्मा सञ्चारकर्मी प्रकाश बराइली ‘अभिव्यक्ती’ ले पाएका छन् ।

गीत संगीत, टेलिसिरियल र त्यससँग सम्बन्धित सबै पक्षलाई समेटेर अवार्ड गर्न लागिएको बिरिसु मिडियाका अध्यक्ष लोप्चनले बताए । उनले समाजमा विशेष योगदान दिदैआएका खेलकुद, शिक्षा, स्वास्थ्य र सञ्चार क्षेत्रका व्यक्तिलाई सम्मान गरिने बताए ।