खाना सबैको आवश्यकता हो । बिहान, बेलुका, दिउँसो राति जुन समय पनि हामीलाई खानाको आवश्यकता पर्दछ । बिदाको दिन होस् या काममा जानुपर्ने दिन, सबैभन्दा पहिला हामीलाई खानाकै चिन्ता हुन्छ ।

भोजभतेर या कुनै विशेष दिन नै किन नहोस्, त्यहाँ पनि खानाकै पहिलो चर्चा हुन्छ । खाना विना हामीले जीवन सोच्न पनि सक्दैनौं । संसारका सबै देशमा नागरिकहरू खानाकै लागि भनेर धेरै दुःख गरिरहेका हुन्छन् । खानाले देशलाई चिनाउने काम पनि गरिरहेको हुन्छ ।

कुन देशको खाना के–कस्तो हुन्छ भन्ने चासो सबैमा हुन्छ । आ–आफ्नो देशको स्वाद चाख्नकै लागि भनेर पनि मानिसहरू बेलाबखत देशविदेशको भ्रमणमा निस्केका हुन्छन् ।

भारतमा बिर्यानी, करी, तन्दुरी, दाल, डोसा, साम्बाहार प्रसिद्ध छ भने पाकिस्तानमा कबाब, हलिम, गजरेला, फलुडा, गुलाबी चाय निकै लोकप्रिय छ ।

नेपालमा दालभात, सेलरोटी, छोइला, मोमो, ढिडो धेरैले चिन्छन् । 

कब सलाद, फजिता, कर्न ब्रेड जम्बालय, स्टेक, क्यालिफोर्निया रोल, मिट लोफ, म्यक एन्ड चिज, बेक बिन, पपकर्न, वफल, बुफेलो विङ्गस, बार्बीक्यु रिब, बीएलटी, हट डग, चिज बर्गर अमेरिकाको लागि संसारले चिनिने खानाहरू हुन् । 

तकोस, बुरिटो, केसिडिया, इन्चलाडिज, मोल, कर्नीटास मेक्सिकोका लागि चिनिएका परिकार मानिन्छन् । तोमख गाई, खाओ प्याड, प्यडथाइ, तोम यम गोङ्ग, पानाङ करी, रेड करी, सोमताम, मसमान करी, फिस केक थाइल्यान्डको विश्व चर्चित परिकार मानिन्छन् ।

रिसोटो, पिज्जा, पास्ता, नक्की, लजानी, जेलटो, रिबोलिटा, पोलेन्टा, रभिओली, फोकसिया, अरन्चिनी, ट्रोफल, पान्जारोटी, फ्लोरिनटिन, मिनिस्ट्रोनी, फ्रिस्टो मिस्टो, तिरामिसो जस्ता परिकारले इटलीलाई चिनाएको छ ।

फ्रग्ग लेग, किस लरेन, बुयाबेस, ब्रेटन प्यानकेक, फोइग्रा, रततोली, स्टेक टार्टारे, अनिअन सुप, थर्मिडोर, बगेट फ्रान्सलाई चिनाउने परिकार हुन् । चाउमिन, डम्लिङ, डिम्सम, हटपट, कुङपाउ, मापो तोफु, पेकिङ डक, वन्टन परिकारहरू चीनमा लोकप्रिय छन् ।

उडोन, सुशी, यकितोरी, तेम्पुरा, मिसो जापानमा चलेका खाना हुन् भने किम्ची, बुलगोगी, किम्बाब, सुन्डी, गल्बी, बोसम कोरियाका सुप्रसिद्ध परिकारमा गनिन्छन् ।