नयाँ वर्षको अवसर पारेर आउँदो शुक्रवारदेखि तीनवटा नेपाली फिल्म प्रदर्शनमा आउँदैछन् ।

तीनवटै फिल्मको अग्रिम टिकट बूकिङ खुलिसकेको छ । जसमध्ये मल्टिप्लेक्स हलमा ‘जारी’ले सर्वाधिक शो पाएको छ । फिल्मले प्रदर्शनको पहिलो दिन देशकै ठूलो मल्टिप्लेक्स चेन क्यूएफएक्समा ६९ शो पाएको छ । ​

बुधवार दिउँसो हेर्दा फिल्मले उक्त संख्यामा शो पाएको देखिन्छ ।

फिल्मका धेरै शोको टिकट ‘फिलिङ फास्ट’मा जाँदै छ ।

केही शोको टिकट ‘सोल्ड आउट’ समेत भइसकेको छ ।

अग्रिम बुकिङ हेर्दा फिल्मले आक्रामक ओपनिङ गर्ने आँकलन गरिएको छ ।

उपेन्द्र सुब्बाको निर्देशन रहेको यो फिल्ममा अभिनेता दयाहाङ राई र अभिनेत्री मिरुना मगर शीर्ष भूमिकामा छन् ।

‘जारी’सँगै प्रदर्शन हुने ‘बिहे पास’ले क्यूएफएक्समा ३४ शो पाउँदा ‘बुलाकी’ले १३ शो पाएको छ ।

‘बिहे पास’मा दयाहाङ राई र प्रकृति श्रेष्ठ शीर्ष भूमिकामा छन् भने ‘बुलाकी’मा सुरक्षा पन्त र नरेन खड्काले मुख्य भूमिका निर्वाह गरेका छन् ।