१५ असार २०८३, सोमबार
भारतका प्रख्यात र्यापर बादशाहले नयाँ गीतमा भगवान् शिवको नामको गलत उपयोग गरेको भन्दै सन्त र महन्तहरूले आपत्ति जनाएका छन् ।
भगवान् भोलनाथको नाम लिँदै बादशाहले अश्लील शब्दको पनि उपयोग गरेका छन् ।
उज्जैनको महाकाल मन्दिरका पुजारीहरूले पनि गीतमा आपत्ति जनाएका छन् । भगवान् शिवको नाम लिने भए भजन बनाउन र त्यसलाई प्रख्यात बनाउनतिर लाग्नुपर्ने उनीहरूको भनाइ छ । आफ्नो प्रसिद्धिका लागि भगवानको नामको गलत उपयोग गर्न नहुने उनीहरू बताउँछन् ।
यसबाट सनातन संस्कृतिको मजाक उडाइएको र यसलाई आफूहरूले नसहने उनीहरूको कथन छ ।
बादशाहको गीतको अन्तरामा ‘ज्ञान बाँड्दै हिँड्छु...अश्लील शब्द...हिट हान्दै हिँड्छु...तीन तीन रात लगातार जाग्छु, भोलेनाथसँग मेरो दोस्ती छ’ भनिएको छ ।
