०७ असार २०८३, आइतबार
नेपाल दूरसञ्चार प्राधिकरणले स्मार्ट टेलिकम स्वतः खारेज भएको जनाएको छ ।
ललितपुरको कुमारीपाटीस्थित स्मार्ट टेलिकम प्रालिले संस्था नवीकरणका लागि नियमानुसार दस्तुरसहित निवेदन पेस नगरेकाले स्वतः खारेज भएको प्राधिकरणले जानकारी दिएको हो ।
प्राधिकरणले बुधवार एक सूचना प्रकाशित गरी उक्त सेवाका सम्बन्धमा अनुमतिपत्र बहाल नरहेको दूरसञ्चार सेवा प्रदायकको सम्पत्ति व्यवस्थापन नियमावली, २०७९ को नियम ९ को उपनियम (१) बमोजिम दूरसञ्चारका पूर्वाधार, संरचना, सञ्जाललगायत सामग्री चालु अवस्थामै प्राधिकरणलाई हस्तान्तरण गर्न निर्देशन दिएको छ ।
