०९ साउन २०८३, शनिबार
स्वदेशमा रोजगार नपाएर विदेश पलायन हुन बाध्य भएको कथालाई टिपेर निर्माण गरिएको ’बाध्य भयौँ नी’ बोलको गीत सार्वजनिक गरिएको छ ।
गायक रामप्रसाद पौडेलले गीतको निर्माण गरेका हुन् । गीतमा शब्द र संगीतसँगै अभिनय पनि उनकै रहेको छ भने उनीसँग स्वरमा रेजिना परियारले साथ दिएकी छिन् ।
स्वदेशमा रोजगारी नपाएको, देश बनाउने नेताहरू जिम्मेवार नभएको र साहुको ऋण तिर्न नसकेर नेपाली भित्रकै कथालाई गीतमार्फत देखाइएको रामप्रसाद बताउँछन् । ‘नेपालीहरू रहरले भन्दा पनि वाध्यताले विदेश गइरहेका छन् । गीतको कथा अधिकांश नेपालीको जनजीवनमा मिल्छ ।’ रामप्रसाद भन्छन्, – ‘यो गीतको विदेशमा गएका नेपालीलाई नेपाल फर्काउने र देशकै केही गर्नुपर्छ भनेर सम्झाउने उद्देश्य पनि हो ।’
गीतको भिडियोमा गायक रामप्रसादले आफ्नै परिवारलाई फिचर्ड गरेका छन् । भिडियोमा उनीसँगै राधिका पौडेल, प्रदीप एडि, स्पन्दन पन्त लगायतको अभिनय रहेको छ । गायक रामप्रसादकै निर्देशनमा तयार भएको गीतको भिडियोलाई मनिष पन्तले खिचेका हुन् भने पदम सुवेदीले सम्पादन गरेका हुन् ।
