×

खानपान

रैथाने परिकार प्रबर्द्धनका लागि कृषि ज्ञान केन्द्रको अभियान

काठमाडाैं | जेठ २७, २०८०

रैथाने परिकार प्रबर्द्धनका लागि कृषि ज्ञान केन्द्र रामेछापले बृहत् अभियान शुरू गरेको छ । केन्द्रको रामेछाप र दोलखा जिल्लामा आफ्नो कार्यक्षेत्र हेर्ने जिम्मेवारी रहेको छ ।

परम्परागत रूपमा चल्दै आएका पुराना मौलिक खाना लोप हुँदै गएको आजको अवस्थामा रैथाने परिकार खोज गरी नयाँ पुस्तालाई चिनाउने प्रयासमा केन्द्र लागि पर्दै आएको छ ।


Advertisment

स्थानीय मौलिक उत्पादनलाई विविधिकरण गरी एउटै सामग्रीबाट धेरै परिकार बनाउने र नयाँ पुस्तालाई बढी आकर्षण गराउने भन्ने अभियानमा लागेको कृषि ज्ञान केन्द्र मन्थलीले समय–समयमा विविध कार्यक्रम आयोजना गरेर जनतालाई रैथाने खानाका विषयमा सजग गराउने प्रयास र अनुदान दिइरहेको छ ।


Advertisment

यसै हप्ता कृषि ज्ञान केन्द्र मन्थलीले एक विशेष कार्यक्रम आयोजना गरी रैथाने परिकारको तालिम सम्पन्न गरेको छ । जिल्लाभर रहेका सम्पूर्ण गाउँपालिका र नगरपालिकालाई पत्राचार गरेर रैथाने खाना सम्बन्धी तालिम दिइएको छ । कार्यक्रमका सहभागीमा विद्यालयमा दिवा खाजा कार्यक्रम सञ्चालन गरिरहेका क्यान्टिन कूक, होटल, होमस्टे आदि रहेका थिए । कृषि ज्ञान केन्द्र रामेछाप, दोलखाकी प्रमुख निर्मला गुरुङको विशेष पहल र केन्द्रका प्रसार अधिकृत प्रमोद दाहालको संयोजकत्वमा ३ दिने तालिम सम्पन्न भएको थियो ।

नेपाल सरकार, कृषि तथा पशुपन्छी विकास मन्त्रालय, कृषि विभाग, बाली विकास तथा जैविक विविधता संरक्षण केन्द्रका प्रमुख डा. रामकृष्ण श्रेष्ठले रैथाने बाली र यसबाट बनाउन सकिने विविध परिकारका विषयमा १ घण्टा श्रव्यदृश्य प्रशिक्षण दिँदै पत्रु खानाका परिकार त्याग्न नसके भोलिका दिनमा बिकरालस्थित आउन सक्ने भनी प्रस्ट पारेका थिए ।

nullआफ्नै मौलिक र परम्परागत रैथाने परिकारलाई अँगालेर आफ्ना बालबालिकालाई स्वस्थ राख्न सकिने र बिस्कुट, चाउचाउ, चिप्स, कुरकुरे, दालमोठ, कोल्ड ड्रिङ्क्स जस्ता परिकारलाई त्यागेर आफ्नै गाउँघरमा उत्पादन हुने लोक खानालाई प्राथमिकता दिनुपर्ने विषयमा जोड दिए । एक रैथाने सामग्रीबाट जतिसक्दो धेरै परिकार बनाएर विविधता देखाउनु र मौलिक लोक परिकारलाई भोलिका पुस्तासम्म जोगाइराख्नु तालिमको मुख्य उद्देश्य रहेको प्रस्तुतिमा खुलस्त पारिएको थियो ।

null

कृषि ज्ञान केन्द्रले जिल्ला–जिल्लामा गर्ने यस्ता तालिमले धेरै उपलब्धि भएको र समय–समयमा हुने यस्ता खालका कार्यक्रमले रैथाने र जैविक बालीका साथसाथै मौलिक परिकार पनि बचिरहने उनको प्रस्ट भनाइ थियो । 

केन्द्रले राजधानी काठमाडौंबाट ग्यास्ट्रोनोमी टुरिज्म एशोसियशन नेपालका अध्यक्ष रमेश भण्डारी र पाँचतारे होटलका सिनियर सेफ तथा नेपाली रैथाने खानाका अभियन्तालाई निमन्त्रणा गरेर निःशुल्क रूपमा जिल्लाभरका २४ जना सहभागीलाई प्रशिक्षण पश्चात प्रमाणपत्र वितरण गरिएको थियो । केन्द्रको कार्यक्षेत्र दोलखामा पनि पर्ने हुनाले यो किसिमको रैथाने परिकार सम्बन्धी तालिम छिट्टै शुरू गरिने कुरा केन्द्रकी प्रमुख निर्मला गुरुङले कार्यक्रम समापनको सबैलाई जानकारी गराए ।

null

कार्यक्रममा के–के रैथाने परिकार बनेका थिए ?

रैथाने परिकार सम्बन्धी ३ दिने कार्यक्रममा स्थानीय उत्पादनलाई प्रबर्द्धन गर्ने उद्देश्यले सम्पूर्ण पकवानका सामग्रीमा स्थानीय उत्पादनलाई नै प्राथमिकता दिइएको थियो ।

तालिममा सैलुङ्गे टिमुरे आलु, फापर कोदो किमा नूडल्स, कोदो जौको थेन्फुक, जौको लाफिङ, चौरीको चिज, गुच्चे आलु, कोदो फापरको निम्की, मस्याङको बारा, कोदो जौको माडा रोटी, कोदोको पिज्जा, कोदो फापरको प्यनकेक, सिमीको परौठा, सक्खर कागतीको अमृत जल, सागको तरुवा, फर्सीको चप, कोदो जौको कप केक, भोल्टा, कागुनोको खिर लगायत २ दर्जनभन्दा धेरै परिकार तयार गरिएको थियो ।

nullमन्थली नगरपालिकाका प्रमुख लब श्रेष्ठले कार्यक्रमको समापनका दिन सम्पूर्ण परिकार चाखेर जानकारी लिएका थिए । यति छोटो समय र सीमित साधनस्रोतमा पनि यतिधेरै विविधताका साथ रैथाने परिकार तयार भएकोमा कृषि ज्ञान केन्द्र मन्थली, प्रशिक्षक र सहभागीहरूलाई बधाई दिएका थिए ।
 

माघ ७, २०७९

जाडो मौसममा दिन काट्न धेरैलाई गाह्रो हुन्छ । जाडोभन्दा गर्मी नै ठीक भन्नेहरू पनि धेरै भेटिन्छन् । हुन पनि कठ्यांग्रिने जाडो कसलाई मन पर्ला र ? तर पनि हाम्रा चाडपर्व र अवसरहरूले जाडोबाट जोगिन र शरीरलाई तताइरा...

फागुन ७, २०८०

कम्यूनिस्टहरूको चौघेराभित्र बाल्यकाल बिताएको भएर होला, सानै उमेरदेखि मैले कांग्रेस कार्यकर्तालाई कांग्रेसी भनेको सुनेको थिएँ । अलि होच्याएर, अलि नमीठो गरेर यी कांग्रेसीहरू भनेर सम्बोधन गर्ने गरेको.... । उमे...

असार २५, २०७९

सातु नेपालीहरूको धेरै पुरानो र मौलिक परिकार हो । सातु बिहानको खाजा मानिने भए तापनि पछिल्लो समय यसलाई बिहान, दिउँसो, साँझ कुनै पनि समय खान थालिएको छ । कुनै समय सातु भनेर हेप्ने यो परिकार अति स्वास्थ्य...

पुस ९, २०७९

नेपालमा गुद खाने चलन धेरै कम छ । कारण – यसको स्वास्थ्य सम्बन्धी गुण नबुझेर हुनसक्छ । हामीले गुद खाने भनेको मात्र गुदपाक हो र जुन निकै प्रसिद्ध मिठाइको रूपमा पनि चिनिएको छ । कसैलाई कोशेली लानुपर्&zwj...

बैशाख २२, २०८१

प्रत्येक वर्षको जन्मदिनले मलाई निजामती सेवाबाट निवृत्त भएको स्मरण गराउँछ । हुन पनि संयोगले भगवतीस्थान प्राथमिक विद्यालय तानसेनमा शिक्षकका रुपमा जीवनकै पहिलो जागिरमा प्रवेश गरेको दिन पनि यही दिन थियो । तथापि न...

जेठ २, २०८१

नेकपा (एकीकृत समाजवादी)ले यतिबेला आफ्नो अस्तित्वको लडाईँ लडिरहेको छ । मैले अस्तित्व भनेर पार्टीमाथि धावा बोलेको हो कि भन्ने पाठकलाई लाग्न सक्छ, तर नेकपा एस यतिबेला अस्तित्वको लडाईँमै छ । पार्टी स्थापना भएको करि...

मुलुक सुशासनतिर अघि बढेको हो ?

मुलुक सुशासनतिर अघि बढेको हो ?

असार ५, २०८१

जबसम्म भ्रष्टाचार, अनियमितता र बेथिति रहन्छ, तबसम्म मुलुक सुशासनतिर जाँदैन । जबसम्म सुशासन कायम हुँदैन, तबसम्म मुलुक समृद्धितिर अघि बढ्दैन । सारमा भन्नु पर्दा समृद्धि पैसा वा धन सम्पत्ति मात्र होइन । समृद्धि जब हु...

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

जेठ ३२, २०८१

कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...

कहाँ हरायो कांग्रेस महासमितिको निर्णय ?

कहाँ हरायो कांग्रेस महासमितिको निर्णय ?

जेठ ३१, २०८१

अढाइ वर्षअघि नेपाली कांग्रेसको १४औं महाधिवेशन नेतृत्व मात्र चयन गरी ६ महिनाभित्र नीति महाधिवेशन आयोजना गर्ने र आवश्यक निर्णय लिने निष्कर्षमा पुगेको थियो । तत्पश्चात् निकै लामो समय पार्टीभित्र र बाहिर नीति महाधिवे...

x