१९ असार २०८३, शुक्रबार
भारतीय लोकप्रिय सौन्दर्य सामग्री ‘नन्दिनी अर्गानिक’ अब नेपाली बजारमा पनि उपलब्ध हुने भएको छ ।
काठमाडौंमा आयोजित एक कार्यक्रममा पूर्व मिस नेपाल उषा खड्गी र सामाजिक अभियन्ता भिम उपाध्यायले संयुक्त रुपमा नन्दिनी अर्गानिक सौन्दर्य सामग्री सार्वजनिक गरेका हुन् ।
भारतको गुजरातमा रहेको मुख्यालयबाट दुवई, कतार, थाइल्यान्ड, न्यूजील्यान्ड, ओमान, बंगगलादेश, श्रीलंकालगायत करिब ४५ वटा देशहरूमा निर्यात हुदै आएको नन्दिनी अर्गानिक ब्राण्डका अर्गानिक सौन्दर्य सामग्रीहरू औपचारिक रुपमा नेपाल भित्र्याइएको हो ।
कार्यक्रममा उपस्थित व्यक्तिहरूले नन्दिनी अर्गानिक ब्रान्डले नेपालमा राम्रो बजार लिने र सौन्दर्य पारखीहरूको रोजाईमा पर्नेमा आफूहरू विश्वस्त भएको बताएका थिए ।
कार्यक्रममा उक्त कम्पनीका २ दर्जन डिलरहरूको समेत उपस्थिति रहेको थियो ।
गुणस्तरमा शत प्रतिशत प्रतिबद्धता जनाएको कम्पनीले करिब ३ वर्षदेखि नेपाली बजारमा एन प्लस प्रोफेशनल तथा ला रिभेरी ब्रान्डका उत्कृष्ट सौन्दर्य सामग्रीहरू बिक्री वितरण गर्दै आएको छ ।
नेपालको अधिकांश युनीसेक्स सलुन, पार्लर तथा सौन्दर्यकर्मीको पहिलो रोजाई रहेको एनप्लस प्रोफेशनल तथा ला रिभेरीका उत्पादनहरूको माग बढ्दै गएको कम्पनीले जनाएको छ ।
