प्रस्तावित प्रधानन्यायाधीश विश्वम्भरप्रसाद श्रेष्ठले जिल्लाबाट सर्वोच्चसम्म आइपुग्दा १८ हजार ६ सय ८२ मुद्दामा न्याय सम्पादन गरेको बताएका छन् । 

संसदीय सुनुवाइ विशेष समितिमा सोमवार आफ्नो भाबी योजना राख्ने क्रममा श्रेष्ठले देवानी प्रकृतिको मुद्दामा आफ्नो रुची र विज्ञता रहेको बताएका हुन् । 

संसद् सचिवालय सिंहदरवारमा जारी सुनुवाइमा श्रेष्ठले प्रधानन्यायाधीश नियुक्त भएमा गर्ने काम र योजना सुनाइरहेका छन् । प्रस्तावित प्रधानन्यायाधीशले शुरूमा आफ्नो योजना सुनाइसकेपछि सांसदहरूले प्रश्न गर्ने र पछि पुनः जवाफ दिने सुनुवाइका प्रक्रिया हुन्छ ।

संवैधानिक परिषद्ले श्रेष्ठलाई साउन १८ गते प्रधानन्यायाधीश बनाउन सिफारिश गरेको थियो । सुनुवाइ समितिले अनुमोदन गरेमा श्रेष्ठलाई राष्ट्रपतिले प्रधानन्यायाधीश नियुक्त गर्नेछन् । 

२०३८ सालमा शाखा अधिकृतबाट सरकारी सेवामा प्रवेश गरेका श्रैष्ठ जिल्ला, उच्च अदालत हुँदै सर्वोच्च अदालको न्यायाधीश बनेका थिए । २०७३ साल १७ देखि उनी सर्वोच्च अदालको न्यायाधीश बनेका थिए ।