निर्माता एवं अभिनेता दीपकराज गिरी, निर्देशक एवं अभिनेत्री दीपाश्री निरौला, निर्माता एवं अभिनेता निर्मल शर्मा लगायतले निर्माण गरेको फिल्म हल भोलिबाट सञ्चालनमा आउँदैछ ।

शुक्रवारबाट प्रदर्शनमा आउने फिल्म ‘नाङ्गो गाउँ’ र ‘एक भागवत र एक गीता’ प्रदर्शन गर्दै हल सञ्चालनमा ल्याइने दीपकराजले जानकारी दिए । 

काठमाडौंको नयाँ वानेश्वर चोकबाट नजिकै निर्माण भएको हल यतिबेला​ सिँगारिएर झकिझकाउ बनाइएको छ । 

नेपालको दोस्रो ठूलो मल्टिप्लेक्स चेन ‘आईएनआई’ले हललाई व्यवस्थापन गरेको हो । ‘आइएनआई सिनेमा हल’मा ​भोलिबाट नेपालीसँगै ‘जवान’ लगायतका विदेशी फिल्म पनि दर्शकले हेर्न पाउने दीपकराजले बताए । ​​​

दुईवटा स्क्रिन रहेको हल निर्माणका लागि करिब १० करोड लागत लागेको बताइएको छ ।

हल वानेश्वरदेखि शङ्खमूल जाने बाटोको बायाँपट्टी पर्छ ।