२९ जेठ २०८३, शुक्रबार
नेपाल बार एशोसिएशनले सर्वोच्च अदालतलगायत सबै तहका अदालतमा रिक्त न्यायाधीश अविलम्ब नियुक्ति गर्न माग गरेको छ । कर्णाली प्रदेशको राजधानी विरेन्द्रनगर सुर्खेतमा सम्पन्न एशोसिएशनको वार्षिक साधारण सभाले न्यायाधीश नियुक्ति गर्दा संविधान र कानूनको मर्म र भावना अनुरूप योग्य र सक्षम न्यायाधीशहरू नियुक्त गर्न न्याय परिषद्को ध्यानाकर्षण गर्ने निर्णय गरेको हो ।
लामो समयसम्म पदावधि रहने गरी सर्वोच्चमा न्यायाधीश नियुक्ति गर्दा एकै व्यक्ति न्यायाधीश रहने र कार्य गर्दा न्यायिक स्वच्छतामा ह्रास आई न्यायिक अराजकता वृद्धि भएको नेपाल बारले ठहर गरेको छ । सर्वोच्चमा न्यायाधीश लामो समयसम्म रहन सक्ने वर्तमान संवैधानिक व्यवस्थामा संशोधन मनासिव भएको नेपाल बारको ठहर छ । लामो समयलाई घटाई ७ वर्षसम्म कायम गर्न उपयुक्त देखिएको बारले जनाएको छ ।
यस्तै कानून व्यवसायीका लागि सामाजिक सुरक्षासम्बन्धी प्रबन्ध गर्ने व्यवस्था गर्न अत्यावश्यक देखिएकोले सामाजिक सुरक्षा कोषमा आवद्ध गराउन समन्वय गरी आवश्यक अध्ययनसमेत गर्ने निर्णय गरेको छ ।
यस्ता छन् नेपालका बारका निर्णय:
