×

NMB BANK
Dabur

पौरखी महिला

धादिङकी सरस्वती : चोकमा सेलरोटी बेचेरै छोरालाई डाक्टर, काठमाडौंमा घडेरी

काठमाडाैं | कात्तिक २९, २०८०

NTC
Premier Steels
Marvel

सेलरोटी बनाएर दिनकै ३० हजारमाथि व्यापार, छोरालाई बनाइन् डाक्टर

Sagarmatha Cement

काठमाडौं महानरपालिका– १६ माछापोखरीको दाहिने कुनामा मंगलबार एकजना अधबैंसे महिलालाई सेलरोटी बनाउन भ्याइनभ्याइ थियो । 


Advertisment
RMC TANSEN
IME BANK INNEWS
shivam ISLAND

null


Advertisment
SBL

साँझ करिब ७ बजेको समयमा मानिसहरू २० वटा, ३० वटा भन्दै सेलरोटी अर्डर गरिरहेका थिए । अधिकांश नेपाली तिहारको रमझममा भुलिरहेका बेला उनलाई भने सास फेर्ने समय पनि नमिलेको भान हुन्थ्यो ।

Vianet communication
Laxmi Bank

उनी हुन्, धादिङ ज्वालामुखी गाउँपालिका– ४ की सरस्वती दवाडी । सरस्वतीले विगत २० वर्षदेखि सेल बिक्री गर्दै आएकी रहिछन् । 

null

सरस्वतीसँग कुरा गर्दै गर्दा तारकेश्वर नगरपालिका– ५ गोलढुंगाकी अस्मिता थापा आइपुगिन् । उनले भाइटीकाको दिन (बुधबार)का लागि ४० वटा सेलरोटी अर्डर गरिन् ।

‘उहाँले पकाएको सेल धेरै राम्रो हुन्छ, त्यसैले लिन आएकी हुँ । पोहोर साल पनि उहाँकैबाट लगेको, परिवारले धेरै मन पराएकाले फेरि आएँ,’ थापाले भनिन् ।

बिहानैदेखि खटिएकी सरस्वतीले अर्डर अनुसार रोटी बनाउन हम्मेहम्मे परेको बताइन् ।

null

‘बिहान ६ बजेदेखि सेल बनाएको बनायै छु, हात दुखिसक्यो, अर्डर आएको आयै छ । अर्डर पूरा गरेर घर फर्किन रातिको १० बज्छ होला,’ सरस्वतीले लोकान्तरसँग भनिन् ।

साँझ ७ बजेसम्ममा ३० केजी चामलको पीठो सकिएको उनको भनाइ थियो । ‘बिहानदेखि एक बोरा चामलको सेल बेचेँ, अझै कति जान्छ थाहा छैन, बेलुका हिसाब गर्नुपर्छ,’ सरस्वतीले भनिन् ।

null

यो व्यस्ततामा उनलाई श्रीमान् कृष्ण दवाडी र छोरी प्रमिला दवाडीले पनि सघाइरहेका थिए । आमाले बनाएको सेलरोटी आफूले बिक्री गरिरहेको प्रमिलाले बताइन् ।

‘ममीले सेलरोटी बनाउनुहुन्छ, मैले बिक्री गर्न हेल्प गरेकी छु बिहानैदेखि,’ प्रमिलाले लोकान्तरसँग भनिन् । 

व्यवस्थापन संकायमा स्नातक गर्दै गरेकी प्रमिलाले अन्य समयमा पनि आफ्नो आमालाई सघाउँदै आएको बताइन् । सरस्वतीका श्रीमान् कृष्णले चामल पिसेर पीठो मोल्न सहयोग गर्दै आएका रहेछन् । 

null

सरस्वतीले ३ दिनदेखि माछापोखरी चोकमा सेल बनाएर बिक्री गर्दै आएको बताइन् । लक्ष्मी पूजाको दिन ३० हजार र भोलिपल्ट १२ हजारको सेलरोटी बेचेको हिसाब उनले सुनाइन् ।

‘आज ३ दिन भयो । पहिलो दिन ३० हजारको सेल बेचेकी हुँ । हिजो १२ हजारको बिक्री गरें,’ सरस्वतीले लोकान्तरसँगको कुराकानीमा भनिन् ।

मंगलबार कुरा गर्दा ३५ हजारसम्मको सेल बेच्ने उनको अपेक्षा थियो ।

चामलसहित सबै कुरा लोकल रहेकाले धेरैले मन पराउने गरेको दाबी उनले गरिन् । चामल र घिउ धादिङबाटै मगाउने गरेको उनको भनाइ थियो ।

null

‘हामीले धादिङको चामल प्रयोग गर्छौं र सेलमा घरकै घिउ हालेर बनाउने भएकाले कमलो हुन्छ, त्यसैले सबैलाई मन परेको हो,’ सरस्वतीले लोकान्तरसँग भनिन्, ‘बजारको चामलको सेल र मैदा मिसाएको सेल मीठो हुँदैन नि, त्यसैले मैले बनाएको सेल मन पराएको जस्तो लाग्छ ।’

आफूले २० वर्षदेखि सेलरोटी बेच्दै आएको उनको भनाइ छ । शुरूका १२ वर्ष पोखरामा बसेर व्यापार गरेकी उनले त्यसयता काठमाडौं आएर व्यापार गर्न थालेको बताइन् ।

null

सेलरोटी बेचेरै छोरा प्रदीप दवाडीलाई डाक्टर बनाएको उनको दाबी छ ।

‘मैले सेल बेचेरै छोरालाई डाक्टर पढाएँ, छोरीलाई बीबीएस पढाएँ,’ सरस्वतीले लोकान्तरसँग भनिन् । सेलरोटीकै कमाइबाट काठमाडौंमा घडेरी समेत जोडेकी रहिछन् ।

काम भने सजिलो नभएको उनको भनाइ छ । सेलरोटी बनाउँदा बनाउँदा हात डढेर सेतै भएको उनले देखाइन् । ‘सजिलै सेल बन्छ जस्तो लाग्छ मान्छेलाई, तर तातो तेलले पोलेर बेलुका हात दुख्छ । कहिलेकाहीँ त सुत्नै गाह्रो पार्छ नि,’ उनले भनिन् ।

null

hAMROPATRO BELOW NEWS
NLIC
TATA Below
मंसिर १०, २०८०

‘मेरो किड्नी बिकाउमा छ । कसैलाई चाहिन्छ भने सम्पर्क गर्नुहोला । मलाई व्यवहार चलाउन धेरै गाह्रो भएको हुनाले किड्नी बेच्न खोजेको हो । नेपाल सरकारसँग पनि मेरो अनुरोध छ, नरोक्नका लागि । ब्लड ग्रुप ए,’ ...

माघ १३, २०८०

रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...

माघ ५, २०८०

मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...

माघ २०, २०८०

नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...

पुस २८, २०८०

बुटवलका कृष्ण चौहान क्षेत्रीले आफ्नो सफलता पैसासँग कहिल्यै तौलिएनन् । बरु हुँदा खाँदाको प्राध्यापन पेशाबाट हात झिकेर २४सै घण्टा मानव सेवामा लागेका छन् । उनको आफ्नो सम्पूर्ण जीवन नै रक्तदान क्षेत्रमा बिताउने प्रण गर...

कात्तिक २५, २०८०

बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...

गल्ती दर्शनको सन्देश

गल्ती दर्शनको सन्देश

फागुन १२, २०८०

हामी प्रायः गल्ती गर्नु हुँदैन भन्छौँ, गल्ती हुन्छ कि भनेर डराउँछौँ । आफ्ना नानीहरूलाई पनि यस्तै शिक्षा दिन्छौँ । गल्ती गर्नु राम्रो होइन भन्छौँ, गल्ती गरे दण्ड पाइन्छ भन्ने गर्छौँ, तर गल्ती भन्ने कुरा नै त्यस्तै । नगरौँ...

प्रशासनिक सुधारको पाटो– ४ : नैतिकता, सदाचार र अनुशासन

प्रशासनिक सुधारको पाटो– ४ : नैतिकता, सदाचार र अनुशासन

फागुन ८, २०८०

भनिन्छ, राज्यलाई सधैँ इमान्दार मानिसहरूको खाँचो हुन्छ । सबैभन्दा इमान्दार मानिस राज्यलाई नै खाँचो हुन्छ, किनकि नागरिक हकहितका लागि गरिने काम, प्रयोग गरिने साधन र अभ्यास गरिने अधिकारमा इमान्दारिता देखिनुपर्दछ, ...

प्रथम प्रधान न्यायाधीशमा हरिप्रसाद प्रधानको नियुक्ति: अपरिहार्यता कि अरू केही ?

प्रथम प्रधान न्यायाधीशमा हरिप्रसाद प्रधानको नियुक्ति: अपरिहार्यता कि अरू केही ?

फागुन ४, २०८०

“तर प्रधान न्यायालयका प्रधान न्यायाधीश वा न्यायाधीशहरूको पदमा नियुक्त गर्न लायक नेपालका नागरिक नपाइएको अवस्थामा गैरनागरिक पनि नियुक्त हुनेछन् ।१” यो नेपालको अन्तरिम शासन विधान, २००७ को त्यही व्यव...

x