ट्राफिक नियम पालन गर्नुपर्ने सन्देश दिने चलचित्र ‘रेड अन’को टिजर सार्वजनिक गरिएको छ । 

यज्ञजंग विके(आयुष बिसी) निर्देशित चलचित्रको टिजर ओएसआर डिजिटलको युट्युब च्यानलबाट शुक्रवार सार्वजनिक गरिएको हो ।

यो चलचित्रमा किशोर खतिवडा, दीपक थापा, सिर्जना कार्की, खगेन्द्र नेपाल, हेमराज घर्ती, खगेन्द्र सुवेदी, कमल ज्ञवाली, आशिष ओली, वर्षा श्रेष्ठ, विक्रम घिमिरे, वीरेन्द यादव लगायतको अभिनय छ । 

निर्देशक विकेले विना सवारी चालक अनुमति पत्र सवारी चलाएको अवस्थामा दुर्घटना हुँदा कतिसम्म सास्ती भोग्नुपर्छ भन्ने कुरालाई चलचित्रमा समावेश गरिएको जानकारी दिएका छन् । 

खगेन्द्र सुवेदीको कथा, सिड गौतमको पटकथा रहेको चलचित्रलाई सुजन विश्वकर्माले छायांकन गरेका हुन् । खगेन्द्र सुवेदी निर्माता रहेको चलचित्रको प्रदर्शन मिति चाँडै घोषणा गरिने निर्माण पक्षले जनाएको छ ।