२८ जेठ २०८३, बिहीबार
बलिउड अभिनेता रणवीर कपूरले नेपाली गायिका मेनुका पौडेलको पाउ छोएका छन् ।
भारतमा जारी इन्डियन आइडलको पछिल्लो एपिसोडमा रणवीरले मेनुकालाई ‘संगीतकी देवी’ भनेर प्रशंसा गर्दै पाउ छोएको भिडियोमा देख्न सकिन्छ ।
चलचित्र ‘एनिमल’ प्रचारका लागि रणवीर अभिनेत्री रश्मिका मन्दानाका साथ इण्डियन आइडलमा पुगेका थिए । मेनुकाले ‘अगर तुम साथ हो’ भन्ने गीत गाएकी थिइन् ।
रणवीरले आफ्नो नाम बताउँदै मेनुकाको गायकीको प्रशंसा गरेका हुन् । उनले आर्शीवाद लिन चाहेको भन्दै निहुरिएर उनको पाउ छोएको विषयको अहिले चर्चा भइरहेको छ । मेनुकाले यतिबेला इन्डियन आइडलमा धमका मच्याइरहेकी छन् ।
उनले धमकेदार प्रस्तुति दिँदै जजहरूको मन जित्दै आएकी छन् ।
