२७ असार २०८३, शनिबार
काठमाडौं, १२ असोज — भारतकी सर्वाधिक चर्चित गायिका लता मंगेशकरको जन्मदिन आज अर्थात् २८ सेप्टेम्बरमा पर्छ ।
लताले हजारौं गीत गाएकी छन् र उनका गीतहरू अहिलेसम्म श्रोतालाई मनोरञ्जन दिइरहेका छन् ।
लताले जिन्दगीभरि विवाह गरिनन् तर उनको एक प्रेमप्रसंग चाहिँ चलेको थियो । उनले आफ्नो भाइको साथीलाई प्रेम गर्थिन् ।
लताले उनीसँग विवाह गरेको भए आज महारानी कहलिन्थिन् ।
विभिन्न समाचारमा उल्लेख भएअनुसार, लता डुंगरपुर राजघरानाका महाराज राज सिंहसँग प्रेम गर्थिन् ।
लताका भाइ हृदयनाथ मंगेशकर र राज सिंह अत्यन्तै मिल्ने साथी थिए र उनीहरू एकसाथ क्रिकेट खेल्थे ।
लता संगीतका साथै क्रिकेटमा पनि रुचि राख्थिन् ।
एक दिन क्रिकेट खेलेपछि राजलाई लताको घरमा बोलाइयो ।
राजले लतासँग मित्रता गाँसे र उनलाई प्रेमपूर्वक मिट्ठु भनेर बोलाउँथे ।
उनको खल्तीमा एउटा टेप रेकर्डर हुन्थ्यो र त्यसमा लताका गीतहरू नै हुन्थे ।
सन् २००९ मा राज सिंहको मृत्यु भयो ।
राज र लता विवाह गर्न चाहन्थे तर राजको राजघरानाले सर्वसाधारणसँग विवाह गर्ने अनुमति दिएन ।
त्यसैले राजले पनि जिन्दगीभर विवाह गरेनन् ।
एजेन्सी
