स्वदेश तथा विदेशमा नेपाली उत्पादनहरूको बिक्री र प्रवर्द्धन गर्ने उद्देश्यले स्थापना भएको स्वदेशी डटकम चौथो वर्षमा प्रवेश गरेको छ ।

अहिले नेपाललाई मात्रै आफ्नो कार्यक्षेत्र बनाएर काम गरिएको स्वदेशीले अब चाँडै विदेशमा पनि आफ्नो सेवा विस्तार गर्ने योजना बनाएको कम्पनीले जनाएको छ ।

'आफ्नो भनेको आफ्नै हुन्छ' नाराका साथ स्थापना भएको कम्पनीले घरमै बसीबसी विना कुनै झन्झट आफूलाई आवश्यक परेका सामग्री सजिलै उपलब्ध गराउँदै आएको छ ।

स्वदेश तथा विदेशबाट हुने कारोबारलाई सहज बनाउनका लागि कम्पनीले ई-सेवा, खल्ती, क्यूआर कोड, भिसा तथा मास्टर कार्ड, युनियन पे लगायतबाट सजिलै भुक्तानी गर्न सकिने व्यवस्था गरेको छ ।

स्वदेशी डटकम एक एकल विक्रेता वेबसाइट हो । यसमा उपलब्ध गराइने सामानहरू लिस्ट गर्नका लागि गुणस्तर अनुसार प्रक्रियाबाट जानु पर्ने कम्पनीले जनाएको छ ।