०३ असार २०८३, बुधबार
सम्राट बस्नेतको निर्देशनमा बन्न लागेको नयाँ चलचित्र ‘कङ्गारु’मा कलाकारको लाइनअप बलियो बन्दै गएको छ । राजीव गुरुङ ‘दीपक मनाङे’को प्रस्तुतिमा तयार हुन लागेको यो चलचित्रमा केही दिनअघि अभिनेता केदार घिमिरे ‘माग्ने बुढा’ अनुबन्धित भएका थिए ।
केदारको प्रवेशसँगै चलचित्रको अर्को प्रमुख पात्रमा अर्पण थापा पनि अनुबन्धित भएका छन् । थापा र यो चलचित्रको निर्माण पक्षविच मंगलवार औपचारिक रूपमा सम्झौता भएको हो ।
यो चलचित्रलाई सस्पेन्स, थ्रीलर र कमेडी जनरामा निर्माण गर्न लागिएको छ ।
फुलमुन मोसन पिक्चर्स र उत्तरगया म्युजिक एन्ड फिल्मसँग आस्याप इन्टरटेन्मेन्टको सहकार्यमा यो चलचित्र निर्माण हुन लागेको हो । चलचित्रमा प्रेम थापा, धन बहादुर गुरुङ र लक्ष्मी राई निर्माताको रुपमा रहनेछन् । चलचित्रमा सीमा गुरुङको कथा, महेश दवाडीको पटकथा रहनेछ ।
निर्देशक बस्नेतले ‘कंगारु’मा केही फरक कथा भन्न मन लागेको र दर्शकले फरक स्वादमा हेर्न पाउने बताएका छन् ।
