बीवाईडीले सन् २०२३ मा ३० लाख (३ मिलियन) भन्दा बढीको संख्यामा विद्युतीय गाडी (सवारी साधन) बिक्री गरेको छ । बीवाईडीले गत वर्ष सन् २०२३ को अन्त्यसम्ममा ३० लाख २४ हजार ४१७ युनिट विद्युतीय गाडी बचेको जनाएको छ ।

यो वार्षिक मापदण्डमा ४५ प्रतिशत बढी हो । 

हालसम्म विश्वबजारको सडकमा बीवाईडीको ६० लाखभन्दा बढी युनिट गाडी छन् ।

कम्पनीका अनुसार वर्ष २०२२ मा पनि बीवाईडीले विद्युतीय गाडीको क्षेत्रमा नयाँ रेकर्ड कायम गर्दै १.८६ मिलियन विद्युतीय गाडी बिक्री रेकर्ड  बनाएको थियो ।  कम्पनीले आधिकारिक रुपमा आफ्नो ६ मिलियन विद्युतीय गाडी बजारमा लैजान सफल भएको जनाएको छ ।

कम्पनीका अनुसार बीवाईडीले पर्यावरणमैत्री सवारी साधनमार्फत यातायातको क्षेत्रमै केही परिवर्तन ल्याउने प्रयास गरेको छ । 

बीवाईडीले विद्युतीय गतिशीलता र कार्बन फुटप्रिन्ट घटाउने लक्ष्य, विश्व जलवायुमा आएको परिवर्तनसँग भिड्ने र कार्बनको उत्पादन घटाउने प्रयासहरुलाई समर्थन गर्दै आएको दाबी गरेको छ ।