नेपालका लागि टीभीएसको आधिकारिक वितरक जगदम्बा मोटर्सले दोस्रो अपाचे ओनर्स ग्रुप (एओजी) नाइट राइड सम्पन्न गरेको छ ।

यही माघ १२ र १३ गते काठमाडौंको नक्साल शोरुमदेखि सुकुटेसम्म भएको एओजी नाइट राइडको जगदम्बा मोटर्सका सीबीओ मृगेन बनर्जी र डीजीएम विक्रम पौडेलले संयुक्त रुपमा शुभारम्भ गरेका थिए ।

२५ जना राइडरहरूको सहभागिता रहेको ६८ किलोमिटर एकतर्फी यात्रामा अपाचे राइडरहरू डर्ट रेस हेर्न धुलिखेलको डर्ट टेम्प्ल पुगेका थिए ।

माघ १२ गते शुरू भएर १३ गते सम्पन्न भएको यस ओभरनाइट राइडमा एओजीका सदस्य डा. दिपककुमार दासको पनि सहभागिता रहेको जगदम्बा मोटर्सले जनाएको छ ।​

ओभरनाइट राइडको बारे बोल्दै डा. दासले ओनर्स ग्रुपमा पाएको साथले आफूलाई खुसी लागेको बताए । ‘अपाचे ओनर्स ग्रुपले मलाई साथी मात्र नभई एउटा परिवार प्रदान गरेको छ । म आफैं अपाचेको ग्राहक हुँ र यस अपाचे ओनर्स ग्रुपमा पाएको साथले म अत्यन्त खुसी छु । आगामी दिनहरूमा पनि यस्तै प्रकारको यात्रामा सहभागी हुन पाउने आशा गर्दछु’, उनले भने ।

कार्यक्रमको दोस्रो दिन हेड मार्शलद्वारा खेलकुद गतिविधि सञ्चालन गरिएको थियो । विजेताहरूलाई अभिनेता रेमनदास श्रेष्ठले पुरस्कार प्रदान गरेका थिए ।​

राइडका क्रममा उनले बाइकको प्रदर्शन र लुक्सले आफूलाई आकर्षित गरेको बताएका थिए ।