०९ असार २०८३, मंगलबार
नेपाल कृषि अनुसन्धान परिषद् (नार्क) ले सङ्कटका बेला तरकारी बजार व्यवस्थापनबारेमा अध्ययन गरेको छ । नार्क अन्तर्गतको राष्ट्रिय कृषि नीति अनुसन्धान केन्द्रले धादिङ र चितवनमा दुई सयभन्दा बढी किसानबिच यो अध्ययन गरेको हो ।
यसका लागि १५ भन्दा बढी विभिन्न सामूहिक छलफल पनि गरेको छ । अस्ट्रेलियाको एसिआइएआर, युनिभर्सिटी अफ न्यु इङ्ग्ल्यान्ड र नार्कको सहकार्यमा सञ्चालित तरकारीको आपूर्ति शृङ्खलामा सङ्कटका कारण उत्पन्न हुने व्यवधान र तिनको न्यूनीकरणका उपायबारे गरिएको अनुसन्धानले तरकारीको बजार व्यवस्थित नभएको, माग र आपूर्तिको आधिकारिक तथ्याङ्क नरहेको, उपयुक्त ठाउँमा कोल्ड स्टोर नभएकालगायतका समस्याका कारण सङ्कट तथा विपत्को समयमा तरकारी बजार व्यवस्थापन गर्न गाह्रो हुने गरिएको निष्कर्ष निकालेको छ, गोरखापत्रमा खबर छ ।
