×

सरकारी स्वास्थ्य संस्थामा गोलमाल

मनमोहन कार्डियो सेन्टरमा चरम अनियमितता, नि:शुल्क औषधिबाट लाखौं झ्वाम !

काठमाडाैं | चैत ४, २०८०

त्रिभुवन विश्वविद्यालयको इन्स्टिच्युट अफ मेडिसिनअन्तर्गत सञ्चालित मनमोहन कार्डियो-थोरासिक भास्कुलर एन्ड ट्रान्सप्लान्ट सेन्टरको फार्मेसीमा चरम भ्रष्टाचार हुने गरेको पाइएको छ ।

गत असार २३ गते सोही अस्पतालकी नर्सिङ सह–नियन्त्रक विमला न्यौपानेको संयोजकत्वमा गठित छानबिन समितिले फार्मेसीमा काम गर्ने कर्मचारीहरूले चलखेल गरेर नि:शुल्क र कतिपय अवस्थामा स:शुल्क उपचार गराइरहेका बिरामीले फिर्ता गरेको औषधि फार्मेसीमा अनाधिकृतरूपमा दर्ता गराएर पैसा असुल्ने गरेको पत्ता लगाएको हो ।


Advertisment

छानबिन समितिले तयार गरेको प्रतिवेदनमा भनिएको छ, 'नि:शुल्क कार्यक्रमअन्तर्गत उपचार लिएका बिरामीको औषधि माग गर्ने फारममा नर्सले माग गरेको संख्या अनुसार फार्मेसीबाट बिलिङ हुनुपर्नेमा कतिपय माग परिणामभन्दा जारी भएको परिणाम धेरै देखिएको छ ।'


Advertisment

उक्त प्रतिवेदनमा नि:शुल्क कार्यक्रमअन्तर्गत उपचार लिएका बिरामीको औषधि माग फारममा अन्त्यमा फिर्ता भएको औषधिको परिणाम समेत खुलाउनुपर्ने विधि सबै बिरामीको हकमा पालना नभएको पाइएको उल्लेख छ ।

null

'बिरामीलाई डाक्टरले सिफारिश गरेअनुसारको मात्रा र औषधि चलाइएको अवधिका आधारमा खपत हुनुपर्ने औषधिको परिणाम गणनासँग फार्मेसीबाट जारी भएको औषधिको परिणाम कतिपय बिरामीको हकमा बराबर देखिएको छैन,' प्रतिवेदनमा उल्लेख छ ।

बढी परिणाममा नि:शुल्क औषधि जारी गरिदिने, उपचार सकिएपछि अनावश्यक औषधि र मेडिकल किट बिरामीले फिर्ता गर्नुपर्ने र सोही फिर्ता गरिएको औषधिलाई सशुल्क उपचार गराइरहेका पुराना बिरामीहरूको बिलसँग भिडाएर रकम फिर्ता गर्ने र फिर्ता रकम कर्मचारीहरूले आफ्नो गोजीमा राख्ने गरेका हुन् ।

उक्त समितिले अघिल्लो आर्थिक वर्षको जेठ १५ गतेसम्मको बिक्री तथा औषधि फिर्ताको अभिलेख कम्प्युटर सफ्टवेयरबाट डाउनलोड गरी अध्ययन गरेको थियो ।

प्रतिवेदनअनुसार फार्मेसीका कर्मचारी कृष्ण पन्तले ५ लाख ९० हजार भन्दा बढी भ्रष्टाचार गरेका छन् । त्यहाँ नि:शुल्क उपचार गराइरहेका बिरामीहरूले फिर्ता गरेको औषधि र सामानहरूलाई सशुल्क उपचार गराइरहेका बिरामीको पुरानो बिलसँग भिडाएर उनले उक्त रकम आफ्नो गोजीमा हालेका थिए ।

null

सोही प्रक्रियामार्फत जुना स्थापितले ३ लाख ७१ हजार भन्दा बढी भ्रष्टाचार गरेको प्रतिवेदनमा उल्लेख छ ।

null

राजेश शाह कानूले २ लाख १० हजार २५८ भ्रष्टाचार गरेको प्रतिवेदनमा देखिन्छ ।

त्यहाँ नि:शुल्क उपचार गराइरहेका बिरामीहरूले फिर्ता गरेको औषधि र सामानहरूलाई सशुल्क उपचार गराइरहेका बिरामीको पुरानो बिलसँग भिडाएर उनले उक्त रकम आफ्नो गोजीमा हालेका थिए ।

null

null

सुवास नामको युजरनेमबाट ५५ हजार ३ सय ५७ रुपैयाँ अनाधिकृत रूपमा बिलिङ र रिफन्ड गरिएको समितिको छानबिनमा देखिएको छ ।

उनले यामबहादुर थापा, सूर्यप्रसाद पण्डित, मनिकुमार श्रेष्ठलगायतका बिरामीहरूले फिर्ता गरेको नसा फुलाउने सामान (पीटीसीए इन्फ्लेसन डिभाइस) रिफन्ड गरेर फार्मेसीबाट पैसा असुलेका थिए ।

null

त्यस्तै फार्मेसीमै काम गर्ने सन्दीप यादवले २० हजार २ सय ६४ रूपैयाँ भ्रष्टाचार गरेका छन् । उनले मुटु रोगमै प्रयोग हुने मास्टर ब्लोवर र इन्डोस्कोपिक स्टेपलरलाई अनाधिकृत रूपमा फिर्ता गरेर फार्मेसीबाट रिफन्ड लिएका थिए ।

null

उनले नि:शुल्क उपचार गराइरहेका विष्णुप्रसाद श्रेष्ठ, ज्ञानुमाया कुँवर, टीकाकुमारी श्रेष्ठ, पुष्पराज सापकोटा लगायतका बिरामीले फिर्ता गरेका उल्लेखित सामानहरूलाई सशुल्क उपचार गराएका बिरामीको पुरानो बिलसँग भिडाएर रकम हिनामिना गरेका हुन् ।

छानबिन समितिकै प्रतिवेदनमा अर्की कर्मचारी सजिना कुशीले पनि सोही प्रक्रियामार्फत ५२ हजार रुपैयाँ भन्दा बढी भ्रष्टाचार गरेको उल्लेख छ ।

समितिले जम्मा ४६ जना बिरामीको स्याम्पल लिएको थियो । ४६ जना बिरामीले फिर्ता गरेको औषधि र सामान अनधिकृत रिफन्ड गरेर कर्मचारीहरूले १३ लाखभन्दा बढी भ्रष्टाचार गरेका हुन् ।

लोकान्तरलाई संक्षिप्त प्रतिक्रिया दिँदै ३ लाख ७१ हजारभन्दा बढी रकममा मुछिएकी स्थापितले आफूले भ्रष्टाचार नगरेको दाबी गरिन् ।

तर, छानबिन समितिले त तपाईंलाई दोषी देखाएको छ नि भन्ने प्रश्नमा उनले भनिन्, 'त्यो कसरी दोषी देखाइयो थाहा भएन, तर मैले भ्रष्टाचार गरेर पैसा लिएकी छैन ।'

स्थापित अहिले टिचिङ अस्पतालको 'बीपी आई केयर'को फार्मेसीमा सरुवा भएकी छन् ।

दैनिक सयौं बिरामी आउने उक्त अस्पतालमा गत आर्थिक वर्षमै ८ करोडभन्दा बढी भ्रष्टाचार भएको एक कर्मचारीको दाबी छ ।

'४६ जना बिरामीबाट मात्र १३/१४ लाख भ्रष्टाचार भएको देखिन्छ,' ती कर्मचारीले भने, 'हामीले दिनमै सयौं बिरामी हेर्नुपर्छ । भ्रष्टाचारको रकम करोडौंमा देखिन्छ । अझ धेरै भ्रष्टाचार त कोभिडकालमा भएको थियो । अहिलेसम्म छानबिन भएको थिएन ।'

यति ठूलो मात्रामा भ्रष्टाचार हुँदा समेत त्यहाँको प्रशासनले कुनै कारबाही गरेको छैन । निर्देशकसम्मैको मिलेमतो रहेको अस्पताल स्रोतको दाबी छ ।

स्रोत भन्छ, 'यो मात्र होइन, अन्य धेरै भ्रष्टाचारहरू भएका छन्, तर दोषी पत्ता लगाए पनि कारबाही हुँदैन । तलदेखि माथिसम्म सेटिङ छ ।'

दोषी देखिएकालाई किन कारबाही गरिएको छैन ? भन्ने लोकान्तरको प्रश्नमा अस्पतालका कार्यकारी निर्देशक रत्नमणि गजुरेलले माथिबाट कुनै निर्देशन नआएको बताए ।

'हामीभन्दा माथिल्लो निकायले पनि छानबिन गरिरहेको छ । माथिबाट कुनै निर्देशन आएको छैन,' उनले भने ।

त्रिभुवन विश्वविद्यालयका सूचना अधिकारी योगेन्द्रप्रसाद दाहालले छानबिन प्रतिवेदनमा दोषी देखिएकालाई कारबाही गर्ने जिम्मेवारी सम्बन्धित निकायकै रहेको बताए ।

'दोषी देखिएपछि कारवाही गर्ने हो,' उनले लोकान्तरसँग भने, 'माथिको निर्देशन कुरिरहनु पर्दैन ।'

मंसिर १७, २०८०

मुख शरीरको महत्वपूर्ण अंग हो । खान, बोल्न र हाँस्नमा मुखको विशेष भूमिका हुन्छ । त्यसैले मुखको सरसफाइमा कुनै लापरबाही गर्नुहुँदैन । मुखको सफाइ नगर्दा गन्ध आउने मात्रै होइन, दाँत र गिजामा विभिन्न रोग निम्तिन पनि...

कात्तिक २१, २०८०

काठमाडौं- आलु भान्सामा अनिवार्य रुपमा पाइने परिकार हो । आलु, अन्य सागसव्जी, तरकारीमा मिसाएर मात्र नभइ तरकारी बनाएर उसीनेर तारेर आदी विभिन्न तरिकारले पकाउन सकिन्छ ।  विश्वभर नै आलुको बढी प्रयोग हुने ...

पुस २८, २०८०

काठमाडौंको चन्द्रागिरिस्थित सेतो पहरामा शनिवार दिउँसो कार दुर्घटना हुँदा ५ जनाको मृत्यु भएको छ । काठमाडौंबाट चित्लाङका लागि छुटेको प्रदेश - ३ - ०१ - ०२३ च ६९८५ नम्बरको कार दुर्घट...

कात्तिक २६, २०८०

काठमाडौं— भुइँमा बस्न छोडेको कति वर्ष भयो ? बस्न र खाना खान पनि तपाईं कुर्सीकै प्रयोग गर्नुहुन्छ, हैन त ? अब भुइँमा सुत्नुभएको छ भनी प्रश्न सोध्दा तपाईं हाँस्नुहुन्छ होला । पहिला हाम्रा पूर्खाहरू भुइँमा ...

कात्तिक २२, २०८०

 मुखबाट –याल निस्कनु राम्रो कुरा हो किनकि –यालले नै मुखलाई गिलो राख्छ । तर कतिपय मानिसको सामान्यभन्दा बढी नै –याल आउँछ । उठेको बेलामा भन्दा सुतेका बेलामा मुखभित्र धेर –याल ...

कात्तिक २५, २०८०

कानेगुजीलाई बेवास्ता नगर्नुस् । यसले एमआरआई र एक्सरे नगरिकनै तपाईंको स्वास्थ्य समस्याका बारेमा बताइदिन्छ । १  तपाईंको कानेगुजीले गर्दा कान असाध्यै चिलाउँछ र तपाईं कान कन्याइरहनुहुन्छ भने तपाईंमा संक्रमण ...

बीपीको स्मृतिमा कांग्रेसले गर्नुपर्ने एउटा संकल्प

बीपीको स्मृतिमा कांग्रेसले गर्नुपर्ने एउटा संकल्प

साउन ६, २०८१

'आग्रहले भरिएको मस्तिष्कभन्दा खाली मस्तिष्क सत्यको नजिक हुन्छ' - थोमस जेफर्सन (तेस्रो अमेरिकी राष्ट्रपति) । हाम्रा प्रात: स्मरणीय नेता, विचार, सिद्धान्त र प्रथम जनक्रान्तिका प्रणेता बीपीको ४२ औं स्मृति दिवसको...

दृष्टिकोण

दृष्टिकोण

साउन ५, २०८१

गीतामा कृष्णले भनेका छन्– ‘जे भएको छ राम्रै भएको छ, जे हुनेछ राम्रै हुनेछ ।’ सुन्दा आश्चर्य लाग्न सक्छ, यस्तो कसरी हुन्छ ?  हुन सक्छ, कसैको विवाह हुँदैछ राम्रै भयो । घरगृहस्थी बन्नेछ राम्...

कांग्रेस–एमाले समीकरण : संकटमा एकसाथ, नीति–एजेन्डका आधारमा प्रतिस्पर्धा

कांग्रेस–एमाले समीकरण : संकटमा एकसाथ, नीति–एजेन्डका आधारमा प्रतिस्पर्धा

साउन २, २०८१

जनमतप्राप्त पहिलो र दोस्रो दलबीचको सत्ता समीकरण सोमबारदेखि औपचारिकरूपमा अघि बढेको छ । पहिलो दलले सरकार चलाउने र दोस्रो दल प्रमुख प्रतिपक्षमा रहने सामान्य संसदीय अभ्यास हो । संसदीय इतिहासमा पहिलो र दोस्रो...

x